Parte-hartzerik gabeko mugikortasun politikek eragile sozialen haserrea eragin dute Gasteizen eta Bilbon
Bilbon asteazken eta ostegunean SUM Bio'19 mugikortasun jasangarriaren inguruko kongresua egiten ari dira, Petronor eta Bilboko Udalak antolatuta. Horren aurrean, ingurumenarekin eta garraioarekin kezkaturiko taldeek manifestua kaleratu eta elkarretaratzea egin dute. Gasteizen berriz, hainbat eragile sozialek mugikortasunaren elkargunea utzi dute, udalaren parte-hartze politikarekin desadostasunak dituztelako.
Parte-hartzerik gabe ez dela mugikortasun jasangarririk izango. Horixe da Bilbon Euskalduna Jauregiaren aurrean asteazken goizean hainbat herritarrek aldarrikatu dutena, besteak beste Bizkaiko Txartel Bakarraren aldeko foroak deitutako elkarretaratzean.
Foro horrek hainbat eragile sozial biltzen ditu eta manifestua ere kaleratu du, Biziz bizi, Supersur Ez, Eguzki, Metroko 4. linearen plataforma, Bilboko Auzo Elkarteen Federazioa eta Ekologistak Martxan taldeak sinaturik. Manifestuan diote Bilboko Hiri Mugikortasun Jasangarriaren Planak ez duela "benetako parte-hartze prozesurik" izan, "ez da nahikoa web orrialde bat irekitzearekin".
Hala, mugikortasun jasangarrirantz egiteko zein lehentasun jarri beharko liratekeen zerrendatu dute: kotxeari begira dagoen hiririk ez sortzea, Supersur errepidearen handitzea bertan behera uztea, auzoen arteko lotura sustatzea metroko lineen bidez, garraio bide publikoa integratzea, egiazko aire kutsadura indizeei mozorroa kentzea, eta bidegorrien sarean Bilbok oraindik dituen "gabezia handiak" konpontzea.
EZ DAGO MUGIKORTASUN JASANGARRIRIK PARTE HARTZERIK GABE
NO HAY MOVILIDAD SOSTENIBLE SIN PARTICIPACIÓN CIUDADANA pic.twitter.com/8SD9R9LgqY
— Txartel Bakarra (@txartelbakarra) 2019(e)ko otsailaren 20(a)
Deigarria egin zaie kongresuaren antolaketaren atzean Petronor enpresa egotea, "euskal enpresa kutsakorrenetarikoa" dela gogorarazi baitute. Euren ustez kongresuarekin Bilboko Udalak "marketinga eta oihartzun internazionala lortzea" du helburu.
Nolanahi ere, hiri "atseginago eta osasuntsuago" baten defentsan segiko dutela adierazi dute elkarretaratzearen bidez.
Gasteizen, mugikortasun elkargunetik kanpo
Mugikortasuna lantzeko orduan parte-hartze politika eskasak sortzen duen ezinegona Gasteizen ere ikusi da. Ekologistak Martxan taldeak, Gasteizko Bizikleteroek eta Hegoaldeko auzo elkarteak Mugikortasun Jasangarriaren Elkargunetik irtetea erabaki dute.
Foro hori 2015 urteaz geroztik zegoen martxan: "Legegintzaldi honetan elkargunearen 23 batzarretan izan gara, eta ez gaituzte aintzat hartu; ez dute kontuan hartu ere egin dugun ahalegina", azaldu dute, Arabako Aleak jaso duenez.
Besteak beste, Urtaranen udal gobernuari egotzi diote tranbiaren eta autobus azkarraren linea berrien zabalkundea herritarren parte-hartzerik gabe erabaki izana. "Informatu baino ez badute egiten, gure ekarpenak ez badituzte aintzat hartzen, zer zentzu dauka gure parte-hartzeak?", dio Bizikleteroak taldeak zabaldutako oharrak.
Subflubialaren behin betiko proiektua onartu zuenez Aldundiak pasa den astean, eta dozenaka pertsona batu dira proiektua gelditzea eskatzeko.
Garraioaren sektorea da gaur egun Euskal Herrian berotegi efektuko isurketen erantzule nagusia (%35), energia gehien kontsumitzen duena (%47) eta petrolio kopuru handiena erretzen duena (%74). Gainera beste sektore batzuetan isuriak apurka-apurka murrizten diren bitartean,... [+]
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
Sanferminak ate joka, Iruñeko eta Iruñerriko garraio publikoko autobus gidariek greba mugagabeari ekin diote asteazkenean. Lanuzteak jaietan izango duen eraginaren aurrean, Iruñerriko Mankomunitateak gutxieneko zerbitzuak ezarri ditu: Sanferminak hasi... [+]
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.
Asteartean eginiko bozketan, enpresako zuzendaritzak eginiko proposamenari uko egin eta grebari eustea erabaki dute Iruñeko garraio publikoko autobus gidariek. Iruñerriko Mankomunitateak sanferminetan %70ko gutxieneko zerbitzuak eskaintzea proposatu du.
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
Kanpaldiaren helburua "osasuna eta ingurumena arriskuan jartzen dituen eta etorkizuna hipotekatzen duen proiektu jasanezina" geldiaraztea da.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
.jpg)
Kirol ekitaldi handi xamarrak egiten diren bakoitzean, agintariek hauspotzen duten "inpaktu ekonomikoaz" edo "hiria mapan kokatzeaz" harago, ohikoa da ostatuen garestitze basatiaz, garraio publikoan daukaten eraginaz edota segurtasun kontuez hitz egitea. Ohikoa... [+]
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
A-15 errepideko trafikoa N-I errepidearekin bat egiten duen tokian eraikiko litzateke lotune berria. Andoainen N-I errepidearen "afekzioak murriztu" eta ingurunean "modu hobean" integratuko dela adierazi du aldundiak. Udalak 2011ko eta aurtengo proiektuen... [+]
Apirilean zen sartzekoa araua baina atzeratzea erabaki dute. Derrigorrezkoa izanen da ibilgailuetan agiria eramatea, ez soilik hiri eta herri nagusienetan sartu ahal izateko, baita kostalde osoko errepideetan mugitu ahal izateko ere.
Kar Kar Car auto elektrikoen erabiltzaileen kooperatiba ibilgailuen flota handitzen eta bere zerbitzua Iruñerriara zabaltzen ari da.
Bizieskola ekimenaren bitartez Gasteizko Eraman kooperatiba ikastetxeetako umeak trebatzen hasi da ikasturte honetan, hirian bizikletaz segurtasunez eta modu independentean ibiltzeko. Gasteizko Udalarekin batera parte hartzen du ekimenean, eta kooperatibako kideek ikastetxeetako... [+]