Estrasburgok “Parot doktrina” bertan behera utziko duela filtratu dute
Estrasburgoko Giza Eskubideen Auzitegiak 197/2006 doktrina bertan behera utziko duela filtratu dute hainbat hedabide Espainiarrek, horien artean La Razón, ABC eta Ser kateak. Dena den albistea ez du inongo erakunde ofizialek baieztatu. 17 epaile Ines del Rioren kasua aztertzen ari dira Estrasburgon eta erabaki hori aurrekaria izango da doktrina bera aplikatu dieten euskal presoentzat.
aurre egingo dieten hedabide independenteak
Espainiako Gobernuko iturriak aipatuz Estrasburgoko magistratuen artean eztabaida handiak izan direla aipatzen dute eta azkenean epaiaren aurkako jarrera nagusituko dela. Etxeratek 2013ko ekainean argitaratutako txostenaren arabera egun 70 euskal preso kartzelan daude “Parot doktrinaren” menpe. Horietatik 55ek irteera data zehaztua dute eta beste 15ek finkatu gabe. SER kateak dioenez 197/2006 doktrina baliogabetzen badute datozen asteetan automatikoki kaleratu egingo dituzte. Datozen egunetarako espero da epaia.
