Ostreopsis mikroalga toxikoaren kontzentrazio altua aurkitu dute hainbat hondartzatan

  • Ostreopsis mikroalga ez da berria euskal kostaldean, eta normalean larria ere ez da gizakion osasunean izan dezakeen eragina, baina hainbat hondartzatan aurkituriko mikroalga hauen kontzentrazio altuaz ohartarazi du Euskal Elkargoak.


2022ko uztailaren 12an - 07:51

Ifremer eta Rivages pro Techek egindako laginek azaleratu dute hainbat hondartzatako uretan Ostreopsis mikroalgen kontzentrazioan gorakada handia eman dela, Kazeta.eus-ek azaldu duenez. Itsasoan igerian edo itsasoko airea arnastean, mikroalgak sortzen dituen toxinek sintomak eragin ditzakete uretan dauden edo urertzetik dabiltzan pertsonengan. Ekainaren erdialdetik kasu bakan batzuk izan direla dio Kazetak.

Zer da eta zer eragiten du?

Mikroalga ez da uretan ikusten, baina kontzentrazioa altua bada, materia marroi likatsu gisa antzeman daiteke arroketan, makroalgetan itsatsita edo gure azalean. Gustu metalikoa du.

Hazkura eta azaleko erupzioak eragin ditzake, baita katarroaren edo gripearen antzeko sintomak ere (eztula, eztarriko mina, arnasa hartzeko zailtasunak, sukarra, dardarak, giharretako mina, buruko mina, goragalea…). Oro har, larritasun txikiko sintomak izan ohi dira, 48 orduko tartean agertzen dira (2-6 ordura, normalean) eta sintomak hasi eta 24-48 orduko tartean desagertu ohi dira.

Uretan bainua hartu eta gero dutxatzea aholkatzen da, baita arrantzaturiko arrainak ongi garbitzea ere.

Aurreko urteetako joerari jarraiki

Klima aldaketari lotutako tenperatura igoerarekin lotu ohi da mikroalga hauek agertzea, baita kutsadura fokuekin ere. Aurreko urteetan izan da kasurik Hego Euskal Herriko hondartzetan; Ipar Euskal Herrikoetan, azken hiru urteetan presente egon dira mikroalga hauek eta iaz hainbat hondartza itxi egin behar izan zituzten.


Kanal honetatik interesatuko zaizu: Osasuna
2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


Behatokiaren hizkuntza urraketei buruzko 2023ko txostena
Hizkuntza muga eta urraketa berak hamar urtez

Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.


Amurrio, Okondo, Urduña eta Orozkoko Udalek ez dute parte hartuko Laudiok deitutako bileran Osakidetzaren egoera lantzeko, "desleialtasuna" leporatuta

EAJk eskualdean gobernatzen dituen tokiko erakunde guztiek iragarri dute ez dutela parte hartuko Laudioko Udalak deitutako bileran. Guztiek egotzi diote EH Bildu eta Omniako udal gobernu taldeari erakunde desleialtasuna erakustea, hedabideetan horren berri emateagatik, euren... [+]


Osakidetzaren pribatizazioaren aurkako manifestazio jendetsuak Bilbon, Gasteizen eta Donostian

Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.


Eguneraketa berriak daude