Osakidetzak premiazkoak ez diren ebakuntzak atzeratuko ditu
Pandemiaren eraginez Osakidetzak ospitale-sare osoko premiazkoak ez diren ebakuntzak atzeratzea erabaki du, bi astez, gutxienez.
Bi astez, gutxienez, Osakidetzak ebakuntza onkologikoak, premiazkoak edo atzeraezinak baino ez ditu egingo. Pandemiak EAEko erietxeetan eragindako presioari aurre egiteko neurria da.
Jaurlaritzak adierazi duenez, Osakidetza Kontingentzia Planaren 3.agertokian dago. Ospitale-sareak kritikoen 363 ohe ditu zabalik eta %53 Covidaren ondoriozko konplikazioengatik ospitaleratutako gaixoek okupatzen dituzte, 192 ohe. Guztira oheen %83 daude okupatuta momentu honetan.
Kontingentzia Planak bost agertoki hauek aurreikusten ditu:
1. egoera: 219 ohe gehienez
2. egoera: 282 ohe gehienez
3. egoera: 427 ohe gehienez
4. egoera: 558 ohe gehienez
5. egoera: 692 ohe gehienez
ZIUko gaixoen bataz besteko adina 61 urtekoa da
Martxoaren hasieran hasitako azken olatuan, ZIUko ospitaleratuen adina jaitsi egin da, orain bataz bestekoa 61 urtekoa da. 80 urtetik gorako pazienteen kopurua murriztu egin da, txertoaren ondorioz.
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean,... [+]
Iaz, irailaren 9an, jaio eta egun gutxira zendu zen Irati Unamunzagaren eta Jon Arriagaren umea, Nare. Haurdunalditik beretik, bidearen gazi-gozoak konpartitu dituzte ingurukoekin, naturaltasunez, eta dolu perinatalaren prozesuarekin beste pauso bat egitea erabaki dute:... [+]