Oria ertzean zaborra biltzen aritu da Eguzki, Tolosako Udalak ez duela neurririk hartu salatzeko

  • Tolosako erdigunean ezezagunek zaborra zuzenean ibaira botatzen dutela eta bazterrak zikinkeriaz beteta daudela salatu zuen talde ekologistak duela hilabete eta erdi.

ARGIA @argia
2019ko martxoaren 14a

Eguzkik ekintza baten bidez salatu nahi izan du Tolosako Armeria plazatik gertu Oria ibaiko bazterren egoera. Eurek bildu dituzte inguruan zeuden plastiko eta zikinak eta gutxienez bospasei poltsa bete zabor jaso dute, irudietan ageri den moduan.

Azaldu dutenez, duela hainbat aste Tolosako Udalari egoera horren berri eman zioten baina bere horretan jarraitzen zuela ikusita erabaki dute ekintza hori egitea. Toki horretan ezezagunek zaborra zuzenean ibaira botatzen dutela salatu dute, eta 180 metroko eremua besterik ez duela hartzen.

“Udalak baditu eskumenak gure ibaiak garbitzeko –azaldu du Gorka Alberdi Eguzkiko kideak– eta hondakinen inguruko politika oso bat eskatzen du honek, arazo handi baten aurrean baikaude”. Euren ustetan ibaiak “zabortegi” bihurtu dira eta herri bakoitzak azterketa sakona egin beharko luke bere ibaietako kutsadura saihesteko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kutsadura  |  Hondakinen kudeaketa  |  Ibaiak

Kutsadura kanaletik interesatuko zaizu...
Azkenak
EGILEA
Eguneraketa berriak daude