Ontziratu gabeko garbiketa produktu ekologikoak, Bermeoko dendan
Ateak ireki berri ditu Bermeon Gu Zu Bio dendak, otsailaren 17an egin baitzuten inaugurazio ekitaldia. Edurne Zulueta Aranguena da proiektuaren bultzatzailea, eta berak azaldu bezala, garbiketako produktuei lotutako kontsumoari buelta bat eman nahi izan dio egitasmoarekin. “Plastikozko ontziak nagusi dira garbiketa produktuetan, eta kimiko askokoak izaten dira gehienak”, dio.
Ontziratu gabeko produktuak eskaintzen ditu Zuluetak dendan, eta ahal den neurrian, hurbilean ekoitzitakoak eta ekologikoak. Etxea garbitzekoak, arroparako, norbere garbiketarako nahiz aire-freskagarriak.
Garbikariak mundua zikintzen
Bizitza osoa eman du Zuluetak ile-apaintzaile lanean, eta hor piztu zitzaion lehenengoz haien jardunean ohikoak ziren produktuen gaineko kezka: “Beti saiatzen nintzen ahalik eta produktu jasangarrienak erabiltzen, eta banuen interesa mundu horretan”. Gaixotasun bat medio mugikortasun arazoak suertatu zitzaizkionean pentsatu zuen bere bizitzan aldaketa egitea eta kontsumo jasangarria bultzatzeko egitasmoa martxan jartzea: “Garbiketako produktuen kontsumoa asko murriztu genezake, berez ez baita hainbeste produktu behar etxea garbitzeko”.
Bigarrenik, plastikoaren gehiegizko eta alferrikako erabileran jarri du fokua bermeotarrak: “Berrerabiltzeko ontziak ditugu dendan, eta produktu gehienak ontziratu gabekoak dira”. Hirugarrenik, garbiketa produktuen jatorrian eta ezaugarrietan jarri du arreta proiektua bultzatzerakoan, eta erraza ez bada ere, ahal den neurrian, hurbileko ekoizleen produktuak eskaintzen ditu dendan: “Otxandion kremak ekoizten dituen proiektu batekin harremanetan nago, adibidez”. Bestalde, dendako produktu guztiak ekologikoak dira. “Kimiko gutxiagoko garbikariak ditugu, normalean, ohiko produktuek, kaka asko baitaramete”.
Aparrik gabeko xanpuak ere berdin-berdin garbitzen du
Garbikarien kontsumoan orokorrean kontzientzia gutxi sumatzen du oraindik Zuluetak, osagai naturaletan baino, bestelako ezaugarriei garrantzi handiagoa ematen zaielako: “Xanpu batek apar gutxi ateratzen badu, edo garbiketa produktu batek lore usain ikaragarria ez badu… kostatu egiten zaigu horiek erabiltzea. Buelta eman beharra diogu horri guztiari”. Dena dela, pixkanaka bada ere, gero eta arreta gehiago jartzen zaiola uste du, horren adierazle da jendearengandik jasotzen ari den erantzun positiboa: “Jende asko ari da dendara etortzen, zer dagoen ikustera, galdetzera… eta salmentak ere ongi doaz”.
Ibilbide laburra du proiektuak oraindik, eta pixkanaka joanen da ideia berriak martxan jartzen. Zuluetaren asmoa da dendako eskaintzaz gain tailer eta ikastaro txikiak antolatzea: “Bikarbonatoarekin eta ozpinarekin ia dena garbitu daiteke, bada, joanen gara ikasten tailertxo horietan”.
Pandemia garaian erabaki zuten Bea Lopez de Suso Marinak eta Iker Gonzalez Dominguezek landa eremura bizitzera joatea. “Nolabait, orduan berpiztu zen aspalditik landa eremuan proiektu bat sortzeko genuen grina”, azaldu du Lopez de Susok. Kuartangora iritsi zen... [+]
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
David de Blasek abiatutako proiektua da Azpigorri Ahuntz Txorizoak, eta izenak argi uzten duenez, azpigorri arrazako ahuntzekin ari da lanean. “Urteetan industrian aritu nintzen lanean, baina pandemia garaian artzain eskolara joan nintzen, eta ikasketak amaitutakoan... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
2024ko irailetik martxan dute Urduñan Belardi hiltegia eta haragi-eraldaketarako gunea. Elikadura burujabetzaren bueltan herrian urte askoan egin duten prozesuaren ondorio da proiektua, Bedarbide abeltzainen elkarteak bultzatu duena. “Sektorean egindako ikerketatik,... [+]
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]