(Argazkia: Ateak Ireki)
Aitzina!-k Frantziako ordezkariei
Larunbatean Aitzina!-ko kideek Frantziako ordezkariei 200 kilo ikatz utzi zizkieten Baionako suprefetaren egoitzaren aurrean. Azaroaren 2an gazte erakundea aurkeztu ondotik egin duten lehen ekimena izan da honakoa.
Frantziako estatuak "ikastolen aurka daraman gudua” salatu nahi izan zuten ekintza horren bidez. Horrez gain, datorren larunbatean, abenduak 28, Seaskak Baionan antolatu duen Ikas´Talo Mani’Festan parte hartzeko deia luzatu zuten gazteek.
Mimoek espetxe politikaren arduradunei
Bestalde, Olentzerok eta Mimoek zaku bete ikatz utzi dute Madrilgo Espetxe Zuzendaritzaren bulegoen parean. Espetxe politika salatu eta euskal presoen eskubideak errespeta daitezela eskatu nahi izan dute ekimenaren bidez.
Ateak Irekik bildu du sakabanaketa politikarekin amaitzeko burututako ekintza.
