Seaskaren larunbateko Mani'Festa tokiz aldatua; Baionako Glain gunean egingo da
Festa giroan, ikastolek pairatzen duten eskubide falta kritikatu nahi du Seaskak. Baionako Glain guneko Elkartean egingo dute Ikas'Talo Mani'Festa.
Hasiera batean Reduit plazan egitekoa zen, baina larunbaterako eguraldi txarra iragarria dagoenez, lekuz aldatzea erabaki dute.
Seaskako ordezkarien hitzetan, Frantziak ez ditu ikastegiak babesten. “Estatuak euskara hil nahi du”, dio elkarteko lehendakari Paxkal Indok. Bi gai aipatu ditu protesta egiteko. Batetik, legeen beharra nabarmendu du. Horren harira, Eskualdeko Hizkuntzen Kartaren gaia aztertu du. Ituna berretsiko duela esan du Jean-Marc Ayrault lehen ministro frantziarrak; Indo, baina, ez da Ayraulten hitzen sinesgarritasunarekin fio. Legea bera aldatu gabe neurria izenpetzeak eraginik izango ez duela deritzo. Hala, murgiltze eredua suntsitu nahi izatea aurpegiratu dio lehen ministroari.
Era berean, Baionako suprefetari leporatu dio Azparneko ikastolen lurrak “blokeatzea”. Indok azaldu duenez, ikastolei loturiko “edozein erabaki” auzitara eramateko asmoa azaldu dio suprefetak Hazparneko herri elkargoari.
Bestetik, Hendaiako eta Beskoitzeko ikastolen kasuak ere ekarri ditu gogora. Dioenez, biek ala biek “suprefetaren blokeoari” egin behar diote aurre.
Horregatik guztiarengatik, politikariak hezkuntza pribatizatu asmoz dabiltzala uste du Seaskako lehendakariak.
Festarako tartea ere izango da
Mani'Festan 10.000 talo banatuko dituzte doan. Indok zergatia azaldu du: “Estatuak uste badu egoitzen finantzamenduak blokatuz, gure boltsan joz, ikastolen garapena blokatuko duela, oker dela erakutsi behar diogu”.
Talotegi “erraldoia” muntatuko dute beraz, 12:00etatik 15:00etara. Jakinarazi dutenez, Amaren Alabak, Souht Side Familia ska taldea eta haurrentzako animazioa ere egongo dira, besteak beste manifestazioaren egunean.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.