Myriam Dasté epaileak bere helbidea emateko eskatu zionean, Libertat erakundeko militante Julien Bordenavek okzitanieraz erantzun zion, "ama hizkuntzan" aritzeko eskubideari helduta. Inputatuaren azalpenak "isiltasun" gisa interpretatuko zituela esan zuen orduan epaileak.
Tor deu Borréu-ren aurkako polizia operazioan atxilotua
Ekainaren 21ean Pabeko Tor de Borrèu lokal autogestionatuaren kanpoaldean izandako gertaerengatik inputatu dute 26 urteko Bordenave.
Lekukoen arabera, hainbat talde bildu zuen kontzertua amaitzear zela, poliziak frontoira sartu eta, "inolako arrazoirik gabe", gas negar eragilea jaurti eta jendeari joka hasi ziren.
Bertan zeuden herritarrek erasoari erantzun eta poliziak "are gogorrago" tematu ziren. Liskarrak Pabeko Hedas auzo osora zabaldu eta lau lagun atxilotu zituzten. Kontzertua antolatu izanagatik inputatu dute Bordenave.
Poliziaren erasoari buruzko informazioa frantsesez eta gaztelaniaz.
"Poliziari frantsesez zuzendu bazitzaion, epaileari zegartik ez?"
Urriaren 17an hasi zen gertakari horien inguruko epaiketa. Bordenavek lehendabiziko galderari okzitanieraz erantzun zionean, itzultzaile baten beharrik ba ote zegoen aztertu zuten epaile eta abokatuek.
Jujeak ezetz erabaki zuen, inputatua gai delako frantsesez zuzen mintzatzeko, poliziak egindako galdeketetan argi geratu zen moduan. "Tribunalak ulertzen ez duen hizkuntzan aritzea erabakiz gero", Bordenaveren azalpenak "isiltasunaren" parekoak izango zirela adierazi zuen Dasté epaileak, Bruno Robaly kazetariak La République des Pyrénées egunkarian argitaratu duenez.
Epaileari erantzunez, Bordenaveren abokatu Jean-François Blancok adierazi zuen bere bezeroak eskubidea duela okzitanieraz mintzatzeko, Giza Eskubideen Europako Hitzarmena eta Eskualdeetako edo Eremu Urriko Hizkuntzen Europako Gutuna ardatz. Abokatuak nabarmendu zuen epailearen moduko erabakien eraginez hiltzera kondenatzen dela okzitaniera, "berdin korsikera, bretoia edo euskara".
Blancok prozesua bertan behera uzteko eskatu arren, jujeak bereari eutsi eta epaiketak itzultzailerik gabe egin du aurrera. Abenduaren 19an emango du ebazpenaren berri.
Informazio gehiago:
La Tor deu Borréu - Libertat komunitatea Facebooken. Han aurkitu dugu ekainaren 21eko kontzertuaren argazki hau.
A69 autobidearen aurkako mugimenduaren topagune eta borroka gune izan da Okzitaniako Tolosa eta Castres hirien arteko lurraldea ekainaren 7tik 9ra. Dozenaka kolektiboren deiari erantzunez, 6.000 lagun batu dira bertan eta Frantziako Estatuko Barne ministro Gérard... [+]
Okzitania, Europa modernoaren sorrera garaian, zulo beltz baten gisakoa iruditzen zait. Eta zalantzan izaten naiz ea ez ote garen zulo beltz horretan behera oraindik ere erortzen eta erortzen ari. Joxe Azurmendik duela gutxi argitaratu duen Europa bezain zaharra liburuan atal... [+]
Borniquel (Okzitania), duela 176.000 urte. Kobazulo batean, 336 metro sakon, neandertalek eraztun formako egitura bikoitza egin zuten estalagmitak baliatuz. Milaka urte horietan guztietan egitura ezkutuan egon zen, 1990ean aurkitu zuten arte. Eta, ondoren, beste 24 urtez,... [+]
Aunitz euskal herritarrentzat, oporretara joateko tokia dira Gaskoiniako Landak (Okzitania). Duna luzez osatutako hondartzak, pinudi amaigabeak barnealderantz, eta herriak baino kanping gehiago ia. Hegoaldean Aturriko itsasadarrak markatzen du Lapurdirekiko muga. Iparralderantz... [+]
Lannemezanen (Okzitania) eraikitzekoa zen zerrategi erraldoiaren proiektua bertan behera utzi du Florian italiar multinazionalak. Urtean 1.200 futbol-zelai adina pagadi moztu asmo zuten.
Igor Suberbiola (Donostia, 1979) euskal preso donostiarrak atzean utzi du Mont de Marsango espetxea (Okzitania, 234 kilometro), hamahiru urte preso pasa ostean.
Frantziako Ekologiako Ministro François de Rugyk berretsi du bi hartz eme askatutako dituztela Biarno aldean (Okzitania). Aurreko ministro Nicolas Huloten asmoei eutsiko diote.
Izan duen gorakadak hauspotuta, asko idatzi da bazterrotan turismo masiboaz eta haren ondorioez. Asko egin eta idatziko da oraindik; baina komeni da, jasaten den horretan fokoa jartzeaz gain, eragiten den horretan ere jartzea. Noiz gara gu eta gure bizilagunak inguru bat... [+]