Pirinioetako basoak ustiatu nahi zituen zerrategi industriala ez dute eraikiko

  • Lannemezanen (Okzitania) eraikitzekoa zen zerrategi erraldoiaren proiektua bertan behera utzi du Florian italiar multinazionalak. Urtean 1.200 futbol-zelai adina pagadi moztu asmo zuten.


2022ko abuztuaren 18an - 13:41

2019 amaieran eskuratu zuen Florian enpresa taldeak Lannemezanen (Okzitania) zerrategi industrial bat jartzeko baimena. Egitasmoa aurkeztu zutenean agerian geratu zen zerrategiaren helburuak betetzeko Pirinioetako mendikate osoko pagadiak ustiatu beharko lituzkeela; mozteen %40, esaterako, Biarnon eta Ipar Euskal Herrian egin asmo zituzten.

Proiektua aurkezterako instituzio nagusien oniritzia eta finantzaketa lortua zuen Florianek. Multinazionalaren asmoak azaleratu ahala elkarte eta norbanako andana batu zen proiektuaren aurka, eta azken urteotan auziaren inguruko informazioa zabaltzen eta zerrategi industrialaren bideragarritasun ekologikoa zalantzan jartzen lan egin dute.

Zerrategi erraldoiaren aurka eratutako Touche pas à ma forêt kolektiboak berrogei elkarte, alderdi politiko eta bestelako egitura biltzen ditu, eta baita ehunka herritar ere. Hain zuzen ere, proiektua Lannemezanen kokatuta egonagatik ere Pirinioetako baso guztiei eragingo zieken. Zerrategia elikatzeko urtean 1.200 futbol zelai adina pagadi moztu beharko ziratekeen.

Beraz, gutxieneko baldintzarik gabe eta aurkako mugimendu zabalarekin bertan behera utzi du proiektua Florian taldeak. Horren berri eman du abuztuaren 17an Goi Pirinioetako eskualdeko prefeturak. Hain zuzen ere, prefeturak adierazi duenez, 2020an Estatuko zerbitzuek abiatutako ikerketa baten emaitzen berri izan ostean hartu du erabakia multinazionalak.


Kanal honetatik interesatuko zaizu: Azpiegitura handiak
2024-05-24 | Estitxu Eizagirre
Hernani, Arano eta Elduain arteko mugetan bost haize errota jarri nahi dituen proiektuaren atzean Endesa dago

Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.


Zubietako erraustegia martxan jarri zenetik, toxikoak asko handitu dira inguruko herrietan

Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]


2024-05-24 | Gedar
2.000 sinadura bildu dituzte Pasaian Escalerillaseko bizilagunentzat bizitoki-alternatiba baten alde

Pasaiako Portuak eta Euskal Trenbide Sareak etxetik bota nahi dituzte hamabi familia. Ekainaren 1ean Trintxerpen mobilizatzera deitu du Oarsoaldeko Etxebizitza Sindikatu Sozialistak.


Statkraften zentral eolikoaren proiektuari helegitea jarri diote Azpeitia, Zestoa eta Errezilgo udalek

Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]


Eguneraketa berriak daude