David Grosclaude Akitaniako kontseilariak amaiera eman dio okzitanieraren defentsan hasitako gose grebari. Baraualdia hasi zuenetik 8 egun igaro diren honetan, bere eskakizunei erantzuna emango diola adierazi dio Frantziako gobernuak.
Okzitaniar Hizkuntzaren Bulego Publikoa sortzeko baimenak ematera konprometitu da Frantziako Gobernua. Kontseilariak asteazkenean zabaldutako komunikatuan adierazi duenez, Frantziako Hezkuntza eta Kultura ministroek sinatutako gutun bat iritsi zaio honen berri emanez.
Grosclaudek Kataluiniako Vilaweb komunikabidean adierazi duenez, Frantziako Estatuari orain arte “ez zaio interesatu” hizkuntzari dagozkion gaiak lantzea, eta horregatik kosta zaio hainbeste okzitaniera komunean duten bi eskualdeetan bulego hau sortzea.
Bere hitzetan, Frantziako medioetan gose grebak oihartzuna izan badu ere, arazorik handiena Pariseko egunkarietan dago. “Herrialde oso zentralistan bizi gara eta medioak ere horrelakoak dira. Frantziako Errepublika hizkuntzengatik arriskuan jarriko denaren beldur dira.”
Okzitania, Europa modernoaren sorrera garaian, zulo beltz baten gisakoa iruditzen zait. Eta zalantzan izaten naiz ea ez ote garen zulo beltz horretan behera oraindik ere erortzen eta erortzen ari. Joxe Azurmendik duela gutxi argitaratu duen Europa bezain zaharra liburuan atal... [+]
Borniquel (Okzitania), duela 176.000 urte. Kobazulo batean, 336 metro sakon, neandertalek eraztun formako egitura bikoitza egin zuten estalagmitak baliatuz. Milaka urte horietan guztietan egitura ezkutuan egon zen, 1990ean aurkitu zuten arte. Eta, ondoren, beste 24 urtez,... [+]
Aunitz euskal herritarrentzat, oporretara joateko tokia dira Gaskoiniako Landak (Okzitania). Duna luzez osatutako hondartzak, pinudi amaigabeak barnealderantz, eta herriak baino kanping gehiago ia. Hegoaldean Aturriko itsasadarrak markatzen du Lapurdirekiko muga. Iparralderantz... [+]
Lannemezanen (Okzitania) eraikitzekoa zen zerrategi erraldoiaren proiektua bertan behera utzi du Florian italiar multinazionalak. Urtean 1.200 futbol-zelai adina pagadi moztu asmo zuten.