Desobedientzia jardunaldiak egingo dituzte asteburuan Gasteizen, maiatzaren 13 eta 14an. “Gaurdanik, gugandik, desobedituz eraiki” leloa hautatu dute horretarako, desobedientziaren aldeko jarrera berretsiz. Fracking ez Arabak, Hala Bedi Irratiak, Ernaik, Joxemi Zumalabe Fundazioak, Hezkuntza Plataforma Guneak eta Eleak/Libre mugimenduak elkarlanean antolatu dute ekimena.
Bultzatzaileek ezbaian jarri dute obedientziak dakarrena. Beren esanetan, “obedientziaren bidea argia da, bake soziala bermatzen du eta ziurtasunez betea dago, bai: nabari da noraino ekarri gaituen, nora garamatzan. Desobedientzia arazoa da, dioskue. Obedientzia da arazoa, diogu”.
“Aldaketa pertsonalik gabeko eraldaketa kolektibo sinesgarririk” ez dagoela iritzita, desobedientziari aukera bat ematera bultzatu nahi dituzte herritarrak. Bultzatzaileen aburuz, beharrezkoa da desobedientzia bizitzako alderdi guztietan eraikitzea, “egungo lokatza patriarkal, energetiko, inperialista, ekologiko, emozional, prekario eta autoritarioa” deuseztatzeko.
Egitarau oparoa antolatu dute:
Otsailaren 2an epaituko dituzte beste hamaika bakegile, uztailaren 23an autopista blokeatzeagatik. Elkarretaratzera deitu du Bake Bideak, datorren ostegunean 13:00tan jarriz hitzordua Baionako auzitegi aitzinean.
Euskal Hirigune Elkargoaren babesarekin, euskaraz erantzundako zientzietako azterketen zuzenketa antolatu dute asteartean Baionako Arteen Hirian, eskatzen diren baldintzak errespetatuz.
"Duela gutxi arte osoki euskaraz egiten zuten gure ikasleek brebeta eta orain zientzietako froga euskaraz egitea debekaturik dugu".