Oak ez du lau hilabete espetxe zigorra onartu eta auzipetua izango da
Oier Oa donostiarrak ez du onartu Baionako prokuradore Jenome Bourrier-ek egindako lau hilabeteko espetxe proposamena. Ondorioz, oraindik datarik ez duen beste epaiketa bat izango du eta orduan ebatziko da bere auzia.
Euskal preso politiko ohia da Oier Oa eta Frantzian lau urteko espetxe zigorra bete ondoren kanporatu zuten 2015ean, Frantziako Estatura bizi osorako sartzeko debekuarekin. Oa, dena den, Larresoron bizi izan da ondoren, eta azaroa bukaeran atxilotu zuten Baionara bidean lanera zihoala. Bernat Etxepare Lizeoen ari da irakasle gisa. Handik hiru egunera utzi zuten aske, azaroaren 26an, gaurko epaitegiko hitzordua jarrita.
Kazeta.info-k jakinarazi duenez, goizean lizeoko 200 bat ikaslek lagundu dute epaitegira “Ez dugu ahazten, Oier gurekin” pankartaren atzean. Bake Bideak, Bakegileak, Harrera elkarteak eta EH Baik, besteak beste, sostengua adierazi diote gazteari. Oak Euskal Herrian bizitzeko eskubidea aldarrikatu du eta, hunkituta, esker ona adierazi die ikasleei, Mikel Irastorzak txiokatutako ondoko bideoetan ikus daitekeen gisan.
Bernat Etxepare lizeoko ikasleak Oier Oa haien hezitzailea sustengatzera heldu dira auzitegira https://t.co/BB3qd9EVnA pic.twitter.com/TF63q4ag4f
— Mikel Irastorza (@mikel_irastorza) March 26, 2021
Oier Oa hunkiturik auzitegi aitzinean jasotako elkartasunarekin pic.twitter.com/JJTi9CWmY7
— Mikel Irastorza (@mikel_irastorza) March 26, 2021
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.