Noren ardura dira ikastetxe publikoak eta bertako langileak?
Jakina den bezala, EAEko Hezkuntza Sailak Hezkuntza Lege baten oinarri den itun bat garatu du. Helburua egungo hezkuntza sistema duala betikotzea eta sare pribatuaren etorkizuna bermatzea izan da hasieratik, hezkuntza-patronalek aspaldi eskatzen zuten bezala. Hori horrela, eta jaiotza-tasaren jaitsiera ikaragarriari erreparatuz, argi dago Sailaren politikak ondorio larriak izango dituela hezkuntza publikoan, baita bertan lan egiten duten langileen etorkizunean ere. Izan ere, Hezkuntza Legearen oinarriak ezartzeko itunean ez zaio eskola publikoari hezkuntza sisteman eduki beharko lukeen erdiguneko tokirik ematen, eta ez da titularitate pribatuko ikastetxeen gainetik lehenesten. Bestela esanda, Hezkuntza Sailak garatu eta alderdi politikoen gehiengoak babestu duen hezkuntza itunak hezkuntza publikoko langileen etorkizuna kinka larrian jartzen du. Hezkuntza politika horien adibidetzat Amurrioko errealitatea dugu, besteak beste, non eskola publikoan lerroa ixten den bitartean ikastetxe pribatuetakoak diru publikoz ituntzen diren irekita mantentzeko.
Hezkuntza Sailak itunaren oinarriak garatzen zituen bitartean, buru biko sugea izango balitz bezala, egun dugun langile kopurua mantentzeko konpromisoaz hitz egiten zuen sindikatuokin. Jarrera horrek dakartzan kontraesanez kontziente baginen ere, langileen ordezkari garen heinean, sekula ez diogu negoziazioari uko egin eta hezkuntza sistemaren onurak ekarriko dituen zirrikituen bila borrokatu dugu plaza eman zaigun guztietan.
"Oraingo honetan gure onespena eman badugu ere, ez dezala inork ulertu Sailari txeke zuri bat ematen diogunik"
Borroka horretan gure kontrakotasuna adierazteagatik maiz karikaturizatuak izan gara. Zoritxarrez, badago oraindik, konfrontazioari beldurrez, horrek dituen gaitasun propositibo eta eraikitzaileen jabe ez denik. Edo, bestela esanda, desadostasunak onartzeko gaitasunik ez duenik.
Negoziazio eta borroka horien ondorioz, Sailak langile edo baliabideen hornikuntza berrantolatzen duen dokumentu bat aurkeztu digu. Dokumentuak argi-ilunak ditu. Batetik, baliabide gehiago iritsiko dira ikastetxeetara eta horietako asko egiturazko bilakatuko dira. Bestetik, arriskutsua izan daitekeen ikastetxeen autonomian edo zuzendaritzen lidergoan sakontzen da, eta ziurgabetasuna dago baliabide batzuk esleitzeko erabiliko den moduan (kontratu programak, esate baterako).
Hezkuntza Sailaren borondatea hezkuntza publikoaren kalitatea hobetzea izango balitz, baliabide horiek aldebakarrez aplikatuko lituzke, beti egin ohi duen bezala. Oraingoan, ordea, baliabide horiek iristea sindikatuen oniritziarekin baldintzatuta daude. Bestela esanda, behingoz sindikatuen onespena behar dute, zergatik ote?
Steilasen argi dugu Hezkuntza Sailak duela baliabideen hornikuntzaren eta bere eskumen zuzenekoak diren ikastetxe publikoen eta bertako langileen biziraupenaren ardura. Baina, aldi berean, Sailaren jokabidearen inguruko irakurketa kritikoa egiten badugu ere, argi dugu guk erantzukizun bat dugula langile eta ikastetxeekiko. Horregatik, oraingo honetan gure onespena eman badugu ere, ez dezala inork ulertu Sailari txeke zuri bat ematen diogunik. Ordea, arduraz hartzen dugun erabakia da. Zoritxarrez, Hezkuntza Sailari gaur egun hezkuntza publikoarekiko falta zaion ardura. Eta sinatzaile izanda ere, hezkuntza publikoaren alde eta langileen lan baldintzen alde mobilizatzen jarraituko dugu, kalean eta hezkuntza publikoari eragiten dioten mahaietan, ikastetxeen hornidurari buruzko jarraipen mahaietan bezala, tinko gure aldarrikapenei eutsiz, beharrezkoak zaizkion ekarpenak, alegazioak eta salaketak egiten.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]