40 estatuk “gogor gaitzetsi” dute Israelek NBE-n kasko urdinei eraso egin izana
Azken egunetan gutxienez Nazio Batuen Erakundeko bost kasko urdin zauritu ditu Israelgo armadak, UNIFIL Nazio Batuen Libanorako Indar Behin-Behinekoak duen egoitza nagusiaren kontrako erasoetan, Naqoura herrian. Netanyahuk esan du kasko urdinak “giza ezkutu” gisa baliatzen dituela Hezbollah milizia xiitak, eta bere tropak Libanotik ateratzeko eskatu dio NBEri. NBEk uko egin dio eta gogor gaitzetsi dute Israelen jokabidea.
aurre egingo dieten hedabide independenteak
Israelek onartu egin du tanke bat sartu duela NBEren Libano hegoaldeko basean, Hezbollah miliziaren eraso batean zauritutako soldaduak ebakuatzeko. “Israelgo Armadak ez du inolako arriskurik sortu NBEren indarrentzat”, azaldu dute. Aldiz, UNIFILek jakinarazi du hainbat kidek zauriak jasan dituztela (narritadurak azalean eta arazo gastrointestinalak, besteak beste), instalazioetara lehergailuen kea sartu delako.
Israelgo lehen ministro Benjamin Netanyahuk adierazi du hainbatetan eskatu diotela NBEri bere soldatuak eremu horretatik ateratzeko, Hezbollah-k giza ezkutu moduan baliatzen dituelakoan. “Idazkari nagusi jauna, atera itzazu UNIFILeko tropak arriskutik; orain bertan egin beharra dago, berehala”. Gaineratu duenez, uko egiteak arriskuan jartzen ditu bai NBEren bai Israelgo soldaduak: “Sentitzen dugu UNIFILeko soldaduak zauritu izana, eta eskura dugun guztia egiten ari gara horrelakoak saihesteko. Baina modurik errazena litzateke soldaduak arrisku-eremutik ateratzea”.
“Onartezina”
Europar Kontseiluko presidente Charles Michelek adierazi du “onartezina” dela kasko urdinei eraso egitea, nazioarteko zuzenbidea “urratzen” duelako. Aurrekari arriskutsua dela uste du, NBEk beste herrialde batzuetan dituen soldaduek antzekoak jasan ditzaketelako. NBEko idazkari nagusi Antonio Guterresek eta Indonesiako Atzerri ministro Retno Marsudik ere Israelen jokabidea gaitzetsi dute; eta Espainiako Gobernuko presidente Pedro Sanchezek Mendebaldeari eskatu dio “Netanyahuren gobernuari armak bidaltzeari uzteko”. Bestalde, Human Rights Watch (HRW) gobernuz kanpoko erakundeak NBEri eskatu dio kasko urdinen aurkako erasoak ikertzeko. Israel “gerrako legeak urratzen” ari da, salatu du.
Israelek 42.000 palestinar baino gehiago hil ditu Gazan
Gazako Osasun Ministerioak emandako datuen arabera, Israelgo Armadak 42.200 pertsona baino gehiago hil eta ia 100.000 zauritu ditu Gazan, 2023ko urriaren 7az geroztik. Kopurua, gainera, gora eta gora egiten ari da etengabe, Gazan soilik ez, baita Libanon ere, non Israelek 2.300 lagun baino gehiago hil eta 10.500 zauritu dituen, Gobernuak jakinarazi duenez.
Gazako agintariek adierazi dute Zerrendaren iparraldean 400.000 palestinar inguru daudela, eta Israel "hilketa sistematiko oldea" egiten ari dela zonalde horretan, "zibilen aurka, emakume eta haurren aurka bereziki". Igandean, hilak 13, Israelek 19 lagun hil ditu eskola baten aurkako erasoan, Al-Mufti inguruan. Desplazatutako familia ugari zegoen eraikinean. Halaber, gaur goizaldean gutxienez lau palestinar hil ditu Al-Aqsako ospitaleko desplazatuen kanpadenden kontrako bonbardaketan. Israelek esan du “terroristen aurkako eraso zehatza” izan dela.
Bestalde, Libanoko Gurutze Gorriak igandean salatu du hainbat kidek zauri arinak jasan dituztela, Israelek jaurtitako bonben ondorioz. Etxebizitza bat bonbardatu du Israelgo Armadak, eta Gurutze Gorriko paramedikuak zaurituak artatzera hurbildu direnean, bigarrenez egin du eraso.
Iran: "Ez diogu gerrari beldurrik, baina ez dugu gudarik nahi, bakea baizik”
Israelek Gaza eta Libanoren aurkako erasoak eten arte bakearen alde lanean jarraituko duela adierazi du Irango Atzerri ministro Abbas Araqchik, baina nabarmendu du Iran gerrarako prest ere badagoela. "Irango Islamiar Errepublikak ez ditu tentsioa, gatazka eta gerra hauspotu nahi, nahiz eta edozein egoerari aurre egiteko prest dagoen. Gerrarako prest gaude, baina baita bakea lortzeko ere", esan du. “Ez diogu gerrari beldurrik, baina ez dugu gudarik nahi, bakea baizik, eta horren alde egingo dugu, bai Gazan baita Libanon ere".
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.