NBEk inkomunikazioarekin amaitu behar duela ohartarazi dio Madrili

  • Inkomunikazioak eta tortura salaketak ez ikertzeak giza eskubideak urratzen dituela ohartarazi dio Nazio Batuen Erakundeak Espainiari, plazaratu berri duen azterketan jaso duenez.


2015eko otsailaren 24an - 11:43
Azken eguneraketa: 2015-02-26 13:37:33

Atxilotuen segurtasun falta eta tortura salatzen dutenentzako dauden baliabide legal urriak nabarmendu dituzte txostenean. Era berean, Melillako etorkinen egoera azpimarratu dute.

EBko estatu gehienek Espainiari gomendatu diote tortura salaketak instituzio independenteek ikertu ditzatela. Herbereek, Australiak eta Frantziak, esaterako, tortura salaketek aurrera egiteko eta biktimari laguntza eta baliabide administratibo eta judiziala eskaintzea aholkatu diote.

Polonia atxiloketa eta atxilotuen zaintzaren kontrola egitearen alde azaldu da. Alemaniak Giza Eskubideen nazioarteko estandarrak betetzeko premia azalerazi du. Izan ere, Alemaniaren arabera, Espainiak poliziaren gaineko kontrol mekanismoren bat izan beharko luke balizko tortura kasuak behatuko lituzkeena.

Hungariak inkomunikazioarekin bukatzeko eskatu eta tortura eta tratu txarrekin amaitzeko neurri zehatzak eta praktika adierazgarriak batetik eta mekanismo eraginkorrak bestetik sortzea gomendatu dio.

Irlandak eta Austriak, besteak beste, inkomunikazioa zalantzan jarri dute, eta Alemaniak egin bezala, Giza Eskubideen nazioarteko estandarrak betetzea eskatu dute.

Txekiar Errepublikak terrorismoaren aurka Espainiak duen legeria aztertzeko premia azpimarratu du. Estatu honek, inkomunikazioa jomugan izan du bere oharretan.

Espainiako Gobernuak, ordea, ez du inkomunikazioaren inguruko ezer aipatu helarazi duen erantzunean. Espainiako Poliziak eta Guardia Zibilak tratu txarren kasuen aurrean neurri diziplinarioak dituztela azpimarratu  du soilik.


Kanal honetatik interesatuko zaizu: Tortura
Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Joxe Arregi oroitu dute heriotzaren 43. urteurrenean, Zizurkilen

Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.


Euskal Herriko torturatu guztiak saretzeko ekimena aurkeztu dute Torturaren Aurkako Egunean

Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]


2024-02-11 | Nekane Txapartegi
Ubelduak moretuz, tortura itzaletik argitara

1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]


Eguneraketa berriak daude