Nazioarteko Justizia Auzitegiak Rafah-ko oldarraldia eteteko agindu dio Israeli
Rafah eta Egipto arteko igarobidea irekitzeko ere agindu dio, laguntza humanitarioa sartu dadin. NBEko ikertzaileei sarbidea bermatu beharko die, eta hilabeteko epean epaitegira itzuli beharko du Israelek. Adituen arabera, sionistek ez dute agindua beteko.
Hegoafrikak abiatutako genozidioari buruzko epaiketan, behin-behineko neurriak gogortu ditu Nazioarteko Justizia Auzitegiak (NJA). Israel Rafah-n egiten ari den erasoak eteteko agindu dio. Duela bi aste sartu zen armada sionista Rafah-n, ehundaka pertsona hil ditu eta hiriko zonalde handiak suntsitu ditu. 900.000 palestinar baino gehiagok ihes egin behar izan dute hiriti, ordura arte “zonalde segurua” izandako lekutik, eta are egoera zaurgarriagoan gelditu da biztanleria, lehendik suntsituta dauden iparraldeko zonaldeetara ihesean doazela.
Agindu ugari eman dizkio Israeli NJAk. Neurri nagusia izan da Rafah-ko operazioa etetea, baina Rafah-ren eta Egiptoren arteko igarobidea zabaltzeko ere agindu dio, duela bi astetik kontrolpean eta itxita duena Israelek. Laguntza humanitarioa sartzeko neurri horretaz gain, Gazan genozidio auziagatik ikerketak egitera doazen taldeei sarrera bermatu beharko die Israelek, NJAren esanetan. Hilabeteko epean epaileen aurrera itzuli beharko dute sionistek, agindu hauek nola bete dituzten aztertzeko.
NJAren aginduak lotesleak dira legez, baina praktikan auzitegiak ez dauka neurriak betearazteko tresnarik. Al Jazeerak aipatutako adituen arabera, ez da espero Israelek agindua beteko duenik. Auzitegiaren behin-behineko neurriak iragarri osteko orduetan bonbardaketa gehiago egin dituzte sionistek Rafah-n.
Justizia Auzitegiko presidente Nawaf Salamek esan du Rafah-ko egoera are okerragoa dela martxoan auzitegiak eman zuen azken agindutik. Orduan agindu zion Israeli ez egiteko genozidioaren aurkako hitzarmenean sar zitekeen ekintzarik, baina ez zuen neurri zehatzik eskatu. Sionisten tankeek Rafah hego-ekialdea hartu dute, eta aurrera jarraitzen dute hiriaren mendebaldeko zonalde oso populatuetarantz. Israelek urriaren 7tik 35.800 pertsona hil eta 80.011 zauritu ditu gutxienez, Gazako osasun zerbitzuek salatu dutenez.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]