'Navarrometroaren' arabera berdinketa legoke aldaketaren aldeko indarren eta erregimenaren artean
Nafarroako Parlamentuak eskatzen duen barometroaren arabera 25 eserlekutara berdinketa izanen litzateke hauteskundeak orain eginen balira, alegia: 25 eserleku izanen lukete UPN-PSN-PPN eta Ciudadanosek eta 25 eserleku EH Bildu, Geroa Bai, Podemos-Ahal Duguk eta Izquierda-Ezkerrak.
Navarrometro izenarekin ezaguna da Nafarroako Parlamentuko barometroa. Zertan dira indar politikoen babesak? Herritarrek zer jarrera hartuko lukete orain hauteskundeak eginen balira?
Bada, 25 eserlekutara berdinketa iragarri du Navarrometroak. Alegia, hala geratuko litzateke Nafarroako Parlamentua:
- UPN izanen litzateke lehen indarra 16 eserlekurekin, 2015eko hauteskundeetan 15 lortu zituen.
- EH Bildu izanen litzateke bigarren indarra, 9 eserlekurekin; 2015ean bat gutxiago zuen 8.
- Geroa Bai izanen litzateke hirugarren eserleku bat galduta: 8 izanen lituzke orain; 2015ean 9 zituen.
- PSNk galduko luke babes handiena hauteskunde berri batzuetan: 7 eserleku izatetik 5 izatera pasako zen eta laugarren indarra izanen litzateke.
- Podemos-Ahal Duguk 6 eserleku eskuratuko lituzte, 2015ean 7 zituen.
- PPk 3 eserleku lituzke, 2015ean baino bat gehiago.
- Izquierda-Ezkerrak mantendu eginen lituzke bi parlamentarioak.
- Lehen aldiz, Ciudadanos sartuko litzateke Nafarroako Parlamentuan eserleku batekin.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Iruñeko Erorien Monumentuarekin zer egingo da? Hori da legealdi honetako gai izarretakoa Hiri Buruzagian azken asteetan. Asteazken honetan, Joseba Asiron alkateak kazetarien aurrean jakinarazi duenez, legealdi honetan emango zaio irtenbidea gaiari eta herritarrek... [+]
Larunbatean 100 egun bete ziren Joseba Asiron aginte makilaz jabetu zenetik, abenduaren 28an, Iruñeko Udalaren historiako lehendabiziko zentsura mozioaren bitartez. Lasai hartu du Euskalerria Irratia udaletxeko Harrera Aretoan, egindako lanaz harro. “Hiru hilean... [+]
Nafarroako Gobernuak Espainiako Gerra Zibilaren eta frankismoaren artxibo digitalaren plataforma, Oroibidea, gaurkotu du eta bildutako errepresaliatuen testigantzak laukoiztu dituzte.