Aurreikusita zegoen bezala Navarra Sumak irabazi ditu hauteskundeak, apirilean bezala bi eserleku lortuz. PSNk bat galdu du eta EH Bilduk hartu du hori; Unidas Podemosek ere bat eskuratu du, aurrekoan bezala. Abstentzioa oraingoan (%30,76) bi puntu handiagoa izan da apirilean ( %27,47) baino.

Honakoa izan da dira oraingo emaitzak ( zenbatua: %100) :

Navarra Suma: 98.448  boto (%29,62) / Apirilaren 28an: 107.619 (%29,32)

PSN:  83.242 boto (%25,04) / Apirilean: 94.551 (%25,04)

EH Bildu: 56.387 boto (%16,97) / Apirilean: 46.765 (%12,74)

Unidas Podemos: 55.191 boto (%16,60) / Apirilean: 68.393 (%18,64)

Vox eta Geroa Baik ez dute eserlekurik lortu Nafarroan, Voxek pixka bat igo du eta Gero Baik boto asko jaitsi, eta seguruenik gehienak EH Bildura joan zaizkio. Bel Pozueta eserlekua lortzetik 400 botora gelditu zen apirilean eta bistan da oraingoan herritar askok bozkatu dut bera hautatua izan zedin. Podemosetik alde egin edota kanporatuak izan ziren Laura Perezen Orain Nafarroak ere Bel Pozuetaren aldeko bota eskatu dute, esate baterako. Honakoak dira Vox eta Geroa Bairen emaitzak:

Vox: 18.656 boto (%5,61) / Apirilean 17.771 (%4.84)

Geroa Bai: 12.622 ( %3,80)  / 22.309 (%6,08)