Nahelekin autoan zihoan lagunak hitz egin du: "Ez ginen poliziarengandik ihes egiten saiatu"
Gertatutakoaren berri eman du hirugarren bidaiariak. Polizia kontrolean gelditu bezain laster agenteek jarrera oldarkorra izan zutela salatu du, eta urduritasunaren erdian autoa automatikoa zelako egin zuela aurrera adierazi du.
Nahel gazte frantziarra hil zutenetik astebete igaro denean, autoan zihoan hirugarren lagunak publikoki adierazi du ez zirela alde egiten saiatu. Horrela, Poliziak nahiz komunikabide ugarik zabaldutako bertsioa gezurtatu du.
Frantziako Poliziak autobusaren bidetik gidatzeagatik gelditu zutela azaldu du hirugarren bidaiariak, eta lehenengo unetik agenteek jarrera oldarkorra izan zutela: “Poliziak autora gerturatuta, motorra itzaltzeko agindu ziguten edo tiro egingo zigutela adierazi zuten”. Jarraian, bi agenteek, lehenik batek eta ondoren besteak, adingabea pistolaren kulatarekin jo zutela azaldu du.
Kolpeen ondorioz eta urduritasuna gailenduta Nahelek balazta askatu eta autoa automatikoa zenez “bakarrik aurrera” egin zuela azaldu du bidaiariak. "Ohartu orduko" urrutien zegoen agenteak besteari tiro egiteko esan zion. Hori dela eta, polizak gidariari tiro egin zion.
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]