Nafarroaren Eguna apirilaren 30ean izango da eta Kulturaldia 13tik 29ra
Nafarroa osoko herritarren arteko harremanak estutzeko egunak ohiko tradizioarekin jarraituko du aurten ere, eta giroa berotzeko aurreko asteetan osatzen den egitarauan, kultur ekitaldi ugari antolatu dira.
Basaizea kultur elkarteak antolatzen du Nafarroaren Eguna eta, iragarri duenez, beti antzera egingo da Baigorrin, baina aurtengoan gazteei arreta berezia eskainiko diete. Ekitaldiak ohikoak izango dira, baina horiez gain, arratsaldean bertso saioa ere egingo da 15:00etan Beheko Plazan, Aitor Etxebarriazarraga, Joanes Illarregi, Maddalen Arzallus eta Nerea Ibarzabal bertsolariekin.
Musikan ere ahalegin berezia egin dute gazteei begira eta kontuan hartuta hurrengo eguna jai dela, Maiatzaren Lehena, 21:30etatik aurrera jardungo dute Janus Lester, Willis Drummond, Dupla eta DJ Üzkülüz. Arratsaldez, halaber, Broken brothers brass brand-ekoak ere arituko dira animazio lanetan Baigorriko kaleetan. Ohi bezala, goizeko desfilea, ekitaldia eta bazkaria ere izango dira. Basaizearen ondoko argazkian ikus daitezke programaren xehetasun guztiak.
Nafarroako Eguna toki segurua izan dadin arreta berezia jarri dute antolatzaileek. Iaz gauean sexu eraso bat izan zela salatu zuen emakume batek eta aurten, “behar diren baliabideak ezarriak izanen dira horien saihesteko". Erasorik gertatuko balitz, edonola ere, "erantzuteko berehalako neurriak” hartuko liratekeela zehaztu dute Basaizeako webgunean.
Kulturaldia
Kulturaldiko ekitaldiak apirilaren 13an hasiko dira, Urepeleko Amerikanoenian, Azken dantza maisua dokumentalarekin. 14an Baigorriko Bil Etxean Jose Miguel Etxeberria Naparra-ren desagerpenari buruzko Bolante baten historia dokumentala eskainiko da, eta haren bidez, omenaldia egingo zaio duela 40 urte desagerrarazi zuten Iparrarretarrak-eko kide Popo Larreri. 15ean, 11:00etan Beñat eta Unai Gaztelumendi anaiek Bidea da borroka komikia aurkeztuko dute Ortzaizeko Menta liburu-dendan.
23an Baigorriko Bil Etxean Intxaurra antzezlanaren txanda izango da Mairu konpainiaren eskutik, 18:00etan. Apirilaren 28an Alduden Francoren mende kantatzen genuenean liburua aurkeztuko du Colette Larraburuk Alfaroinian. Azkenik, Tartean taldearen Ez dok Hiru antzezlanak itxiko du ekitaldi andana 29an, Baigorrin.
Filipe Bidart Iparretarrak taldeko kide ohiak Kazetari azaldu dioenez, "borrokan erori diren militanteak oroitarazteko" xedea du margolanak. Xabi Tapia Xabxab artista urruñarra da haren egilea, eta Baigorriko Lagundu elkarteak antolatuta egin dute aurkezpen... [+]
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
Iruñeko Zaldiko Maldiko Elkartean eta Baigorriko Bixentainean aurkeztu da aurtengo Nafarroaren Eguna, egun berean. Ohi bezala, apirileko azken igandearekin bat egingo da festa Baigorrin, eta horrez gain, apirilean hainbat ekitaldi egingo dira eskualdean.
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Elkarteak ekainaren 27, 28 eta 29an Arberatzen (Nafarroa Beherea) izango den jaialdian izateko aurresalmenta abiatu du ostegunean. Hiru eguneko sarrerak 43 euro balioko ditu eta Ipar Euskal Herriko "lau ertzetatik" festibalera hurbiltzeko autobusak antolatuko dituztela... [+]
Otsailaren 6an hasi eta 27ra bitarte, lau ekitaldi antolatu dituzte Donapaleun. Lehena herriko etxean iraganen da, eta ondokoak Bideak gunean.
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
81 urterekin zendu da. Bere aita Fernando Aire 'Xalbador' bezalaxe, bertsolaria eta artzaina izan zen Mixel Aire.
Iratzarri ginelarik, kulturalki eta administratiboki, paisaiak hiru abiadurako deserri bat erakusten zuen.
Kulturari dagokionez, hori baieztatzeko –berriro– aukera eduki nuen joan den azaroaren 14an, Ortzaizeko Menta liburu-denda goxoan. Hara bildu ginen... [+]
Baionan Loverdose eta Atharratzen Bekat’uros egin den bezala, Oztibarren (Nafarroa Beherea) Debrien Figurak feminismoaren eta transfeminismoaren inguruan antolatutako egunak arrakasta izan du.
Kasu Hegoaldeko begirada horri. Lehen-lehenik desmitifikatu larre berde, etxe zuri eta teila gorrien lur ederrekiko miresmen itsua, halako maitasun inkondizionala, hizkerari eta ustezko bizitzeko manerari loturiko fetitxismoa. Utz, Ruper Ordorikari sarri entzun gisan,... [+]
Baigorri eta Tafalla herrien arteko senidetzea ospatuko dute asteburuan Baigorrin. 1978an hasi ziren lehen harremanak, baina hautetsien aldaketarekin pixka bat galdu zen ondotik. Haatik, duela hiru urte Tafallakoak berriz Baigorrira hurbildu ziren.
Urepele, Aldude eta Banka herriak batzen dituen Aldudeko ibarra bizirik eta airoski bizirik atxikitzeko asmoz dabil lanean AIBA Aldudeko Ibarra Beti Aitzina elkartea. Solastatzeko dorpea izan daitekeen gai bat mahai gaineratu du aldi honetan, urriko bigarren asteburuan eginen... [+]