NUP

NUP baliabide ekonomikoak eskuratzeko mezenas bila

  • Nafarroako Unibertsitate Publikoak joan den urtean onetsi zuen Babesletza Plana. Ikasleei zuzendutako proiektu sozialak, kultura proiektuak eta irisgarritasunarekin lotutako proiektuak izanen ditu jomuga.


2015eko apirilaren 30an - 09:48
Ekarpen ekonomikoak behar bereziak dituzten Graduko ikasleak izanen ditu jomugan. Ekarpenak jantoki eta garraio txarteletara, matrikula ordaintzeko laguntzetara, edo premiazko egoerak konpontzera zuzenduko dira besteak beste.

Azken urteotan NUP finantzaketa tresna berriak aplikatzeko lanean dabilela jakinarazi dute: “Unibertsitateak  babesleak erakarri nahi ditu, gizarte eta kultura arloko programei eragin dien egoera ekonomiko honetan unibertsitateak erantzukizun sozialeko konpromisoari  eutsi ahal izateko laguntza ekonomikoa emango dutenak”.

Plan honek azken urteetan aurkitu dituzten gabeziak betetzera bideratu nahi ditu ekarpen ekonomikoak. Hala ere, ez dute baztertzen etorkizunean ikerketari edo irakaskuntzari lotutako beste proiektuetara ekarpen ekonomikoak bideratzeko aukera irekitzea: “Lagundu nahi den lehenengo jarduera gizarte proiektuekin lotutakoa da, batez ere behar bereziak dituzten Graduko ikasleei zuzendua: ekarpenak jantoki eta garraio txarteletara, matrikula ordaintzeko laguntzetara, baztertutako kolektiboekiko elkartasunera edo premiazko egoerak konpontzera zuzenduko dira”.

Campusaren egokitzapen eta irisgarritasun proiektuekin lotua dago bigarren jarduera-lerroa; berritze lanekin eta teknologia materialean egindako inbertsioekin lotuak daudenekin hain zuzen. Kultura proiektuak lirateke azkeneko programak: “Kultura-jardueretan eta Unibertsitatearen ondare artistikoa mantentzeko erabiliko da dirua".

Webgune berezi bat egin dute Babesletza Plana sustatzeko asmoz. Era berean, proiektua unibertsitate esparruko hainbat kolektibori eta lankidetza hitzarmenak dituzten enpresei aurkeztuko diete proiektua. Ekarpen ekonomikoak egiten dituzten pertsona edo erakunde guztiek beren dirua zer jarduera motatara zuzenduko den aukeratuko dute. Era berean, unibertsitatean ikasi duten pertsonei kanpaina parte hartzeko deia luzatu dute.


Kanal honetatik interesatuko zaizu: NUP
Landa biziberritzeko praktikak

'Sustraiak Erasmus' egitasmoaren bidez landa eremuan praktikak egiteko aukera eskaintzen du NUPek. Xedea da Nafarroako despopulazioari aurre egitea.


2024-02-25 | Reyes Ilintxeta
Mikel Galar. Adimentsu naturala
"Kontuz ibili behar dugu datuak ematerakoan, baina paranoiko bihurtu gabe"

Giza adimena beharrezkoa duten ikaskuntza, arrazoiketa edota pertzepzioa bezalako zereginak egin ditzaketen sistemak sortzera bideratzen den informatikaren arloa da adimen artifiziala (AA). Horretan aditua eta aritua da Mikel Galar irakasle eta ikerlari iruindarra eta... [+]


Unibertsitateak eta hezkuntza sistemak eragindako arrakalak agerian

Unibertsitatera sartzeko proba egitear da milaka ikasle. Gure gizarte desorekatuan, azken helduleku eta esperantza beti da hezkuntza: aukera berdintasunaren ikur, igogailu sozialerako amets. Errealitatean, baina, pribilegiatuak pribilegiatu eta zapalduak zapaldu mantentzen... [+]


2022-02-11 | ARGIA
Eliza Katolikoaren baitan jazotako sexu erasoak Nafarroan: ia 60 biktima eta 31 erasotzaile identifikatu dituzte

NUP Nafarroako Unibertsitate Publikoko ikertalde batek Nafarroan Eliza Katolikoaren baitan jazotako sexu abusuak ikertu ditu. 1948 eta 1985 artean gertatutako ia 60 kasu identifikatu dituzte, 31 erasotzailek gauzatuak. Txostenaren aurkezpenean azpimarratu dutenez, horiek... [+]


2021-11-08 | Leire Artola Arin
NUPeko ikasleek manifestazioa egin dute unibertsitate euskalduna eskatzeko

Larunbatean elkartu dira Iruñeko kaleetan, ‘Euskara gaia, bada garaia! Unibertsitatea euskaraz orain’ lelopean. Gogor salatu dute euskara “hirugarren mailako hizkuntza” dela unibertsitatean.


Eguneraketa berriak daude