Gazako sarraskia arbuiatzen ez duten unibertsitate israeldarrekin harremanak eten ditu NUPek

  • Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak dira ekidin nahi dituenak giza eskubideak errespetatzen ez dituzten unibertsitateekin. Palestinak duen nazioarteko eskubidea errespetatuko duten unibertsitateekin ariko da bakarrik eta Gazan gertatzen ari den krimena arbuiatzen duenarekin.


2024ko maiatzaren 23an - 08:30

Gizateriaren kontrako jazarpena errefusatzen ez duenarekin ez du harremanik mantenduko Nafarroako Unibertsitate Publikoak hemendik aurrera. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen.Harreman komertzialak eta akademikoak dira ekidin nahi dituenak giza eskubideak errespetatzen ez dituzten unibertsitateekin. Palestinak duen nazioarteko eskubidea errespetatuko duten unibertsitateekin ariko da bakarrik eta Gazan gertatzen ari den krimena arbuiatzen duenarekin.

Horrez gainera, Palestinako ikasle errefuxiatuei baliabideak handitzeko konpromisoa hartu du NUPek eta ikertu eginen ditu bideak Palestinako unibertsitateekin kolaborazio gehiago izateko. Giza eskubideen alde lanean ari diren UNRWA eta beste gobernuz kanpoko erakundeekin ere elkarlana eginen duela iragarri du, hausnarketarako espazioak eskainiko ditu eta eztabaida ere sortuko du bakea eta bizikidetzaren alde. Behin betiko su etena eskatzeko ekimen bateratuak ere sustatuko ditu NUPek beste unibertsitateekin eta Gazako unibertsitate zein hezkuntza erakundeen errekuperazioa eta ikasketa programak garatzen laguntzeko lan eginen duela ere adierazi du.

Unibertsitateak sinatutako akordioak jaso du, erabateko konpromisoa duela bakearekin bizikidetzarekin, justiziarekin eta giza eskubideekin eta edozein motako indarkeriaren kontrako jarrera erakutsi du.


Kanal honetatik interesatuko zaizu: Israeli boikota
2024-06-19 | Axier Lopez
EHUk ez du akordio berririk sinatuko CAFekin, giza eskubideak urratzen dituen Jerusalemgo tranbia utzi arte

Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]


Mondragon Korporazioa elkarlanean ari da Israelgo defentsa fabrikatzaile handienarekin

Mondragon Korporazioak bost proiektu ditu esku artean erakunde israeldarrekin Ahoztar Zelaietak El Salton salatu duenez. Horren bidez hiru milioi euro inguru irabaziko ditu Mondragonek.

 


2024-06-05 | Axier Lopez
Jaurlaritzaren eta Israelen arteko “lankidetza” salatu dute Bilbon

Uribe Kostako Palestinaren aldeko Khalas! elkartasun taldeko hainbat kidek salaketa ekintza egin dute Eusko Jaurlaritzak Bilbon duen egoitza barruan. Jaurlaritzak Israelekin dituen harremanak azaleratu eta salatu nahi izan dituzte.


EHUko talde bat elkarlanean dabil genozidioarekin lotutako institutu israeldar batekin

Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]


Eguneraketa berriak daude