Nafarroako osasun etxe guztiek test azkarra ere erabiliko dute gaurtik aurrera
Antigenoen testa erabiliko dute Nafarroako osasun etxe guztietan azaroaren 2tik aurrera. Baina test azkarrak ez dituela PCR testak "ordezkatuko" adierazi du Nafarroako Gobernuak, "osatu baizik, eta gero eta gehiago erabiltzea aurreikusten da". Sintomekin bost egun baino gutxiago daramatzaten eta ospitalaratzeko motiborik ez duten gaixoekin erabiliko dira test azkarrak. Emaitzak 15 minutuan ematen dituenez, aztarkariak inguruko pertsonen bila lehenago hasi ahal izatea du helburu, gaixoa lehenago bakartzea eta kutsatu kopuruen uneko argazki errealagoa izatea.
Osasun etxeek aparteko ibilbide bat eratu dute arnas arazoei lotutako gaixoentzat, eta ibilbide horren barruan dagoen erizaintzan egingo dira test azkarrak: COVID-19aren sintomak dituzten herritarrek egunean bertan jasoko dute antigenoen testa egiteko hitzordua. Enfermeritzan konstanteak neurtuko dizkiote eta beharrezko ikusten bada test azkarra egingo diote. Azterketaren emaitzak jasotzeko behar diren 15 minutuak pasatu ostean, erizaintzak baloratuko du ea sintoma arinak dituen eta ea arrisku faktorerik duen. Sintoma larririk badu edo arrisku faktorekoa bada, medikuarekin aurrez aurreko kontsulta jasoko du.
Urriaren 12an hasi ziren Nafarroako eskualde batzuetako osasun etxeetan test azkarrak erabiltzen eta azaroaren 2tik lurralde osora zabalduko da.
Mila biztanleko PCR gehien egin dituen erkidegoa
Nafarroako Gobernuak emandako datuen arabera, irailaren erdialdeaz geroztik bera izan da PCR proba gehien egin dituen erkidegoa: mila biztanleko 522 proba egiten ditu gaur egun.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]