UPNk Nafarroako Kutxako Fundazioa "erabiltzen" duela dio oposizioak

  • Nafarroako Kutxako Fundazioa bere interes propioen mesedetan “erabiltzea” leporatu diote oposizioko alderdiek UPNri. “Gardentasun falta” nabaritu, eta “txiringito” gisa klasifikatu dute.

Saioa Alkaiza Guallar @SaioaAlkaiza
2014ko urtarrilaren 15a
UPNko kide Sergio Sayasek egindako adierazpenek sortu dute polemika. (Arg: diariolacamara.com)

Hiru milioi euro eman berri dizkio Fundazioak Nafarroako Orkestra Sinfonikoari (NOS). Sergio Sayas UPNko Komunikazio idazkariak esan du haren alderdikide Juan Luis Sánchez de Muniáin Kultura sailburuari “esker” esleitu duela erakundeak diru-laguntza, Ser irrati katean egindako elkarrizketan.

Adierazpenak hautsak harrotu ditu, izan ere, ez da Nafarroako Gobernuaren eskumena Fundazioak ematen dituen diru-partidak kudeatzea.

Erregionalisten “menpeko” da erakundea, Juan Jose Lizarbe PSNko kidearen iritziko: “Gobernuaren besoetako bat da Fundazioa eta zuloak estaltzeko erabiltzen du”.

Bilduk “kontrol falta” salatu du, baita Aralarrek ere. Aralarko kide Patxi Zabaletak dioenez,  “irizpide eta kontrol publikoarekin” kudeatu beharko litzateke. “Parlamentuak eraman beharko luke”, gaineratu du. 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: CAN  |  Nafarroako politika  |  Aralar  |  UPN  |  PSN  |  Bildu

CAN kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Pribatutasun politika irakurri dut eta onartzen dut
Eguneraketa berriak daude