‘Nafarroako Intxaurra’ kalitate-marka sortu dute
'Nafarroako Intxaurra' marka kolektibo berriak Lizarraldeako, Erdialdeko eta Goi Erriberako zortzi ekoizle biltzen ditu. Kanpaina honetan 200 bat tona intxaur merkaturatuko dituzte, Nafarroan ekoizten den intxaur kopuruaren %46 inguru.
Nafarroak 307 hektarea intxaurrondo inguru ditu, zeintzuek 424 tona intxaur ematen dituzten, autokontsumorako uzta eta merkaturatzen den kopurua batuta. Nafarroako Intxaurra marka kolektiboak –Reyno Gourmet zigiluan sartu dena– "gure lurrari oso lotuta dagoen produktu bati aitorpen estrategikoa dakarkio", Landa Garapen eta Ingurumeneko kontseilari Jose Mari Aierdik azaldu duenez.
Bestalde, INTIA sozietateko ordezkari Natalia Bellostasek adierazi du marka kolektiboetan bildutako produktuak nabarmentzen direla, besteak beste, "ekoizpen mugatuagatik, egiazkotasunagatik, urtarokotasunagatik eta kontsumitzaileek asko estimatzen dituztelako". Nafarroarentzat "gastronomia- eta elikagai-ondarea dira", gaineratu du.
Bi urteko prozesua
'Nafarroako Intxaurra' sortzeko prozesua 2022ko apirilean hasi zuten Nafarroako Gobernuak, INTIA sozietate publikoak eta intxaur ekoizleek. Markak intxaur lehorra babesten du, bai oskolarekin, baita eratorritako produktuen kasuan ere, izan intxaur zuritua, garrapinatuak, intxaurretan oinarritutako edariak, intxaur estaliak edota fruitu hori duten pastelak eta beste.
Markaren sustatzaileek azaldu dutenez, "Nafarroa osoan intxaurrondo bakartuak dauden arren, 1990eko hamarkadan laborea modu profesionalean garatzen hasi zen Iruñeko hegoaldeko eskualdeetan, zereal eta mahastiez gain, dibertsifikazio gisa". Ekoizpen-eremu geografikoak Nafarroa osoa hartzen duen arren, Lizarraldean, Erdialdean eta Goi Erriberan ekoizten da intxaur gehien. Abiatzear den kanpainan zortzi ekoizlek hartuko dute parte: Nuez de Arizala (Aritzala), Aitacayo (Artaxoa), José Antonio Chocarro (Berbintzana), Nueces Valle Arga (Faltzes), Nueces de Oteiza (Oteitza), Nueces de Navarra (Errezu), Benitoren (Sesma) eta Monte Sesma (Sesma).
Herriko Etxeak elikadura burujabetzaren aldeko urrats handia egingo du 380 metro koadroko azpiegitura berriarekin. Sukaldeak haur eta adinekoentzako janari osasungarria eskainiko du, tokiko produktuekin eta tokiko laborantza indartuko du.
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Gabezia, pobrezia eta erromestasuna orokortu ziren. Euskal Herri atlantikoa harropuzkeriaren ur gaineko bitsetan bizi zen. Itsasoz haraindiko merkataritzak, arrantzak eta estraperloak gure iparralde osoko jendartea aberasten zuten. XVI-XVIII mendeak ziren. Meatzariak,... [+]
Zazpigarren urtez, Adunako (Gipuzkoa) Zabala sagardotegian egin dute Ja(ki)tea sarien banaketa, euskal gastronomia tradizionala oinarri duten jatetxeen artekoa. Besteren artean, Getariako Kosta Aroak irabazi du bertako ekoizle onenaren saria, Tafallako Tubalek plater... [+]
Marurin kokatutako proiektua da Mustai Ortua, Gorka Areitio Elorduik eta Marcela Pava Gomezek bultzatua. Diseinu grafikoko ikasketak egin zituen Areitiok eta horretan ari zen lanean, baina gainezka eginda zebilen. Pava, berriz, abokatua da lanbidez, baina ezin zuen horretan... [+]
Lau astetan 550 hildako eta 4.000 kolpatu egon dira GHF fundazioaren banaketetan. Jakiaz gain, tiroak ere banatzen dabiltzalako sionistak. 170 GKEk dute egitura horren desagerpena galdatzen. Baina Israelek beregain nahi du laguntzaren saila ere –finean, gosetearena... [+]
AEBek eta Israelek kudeaturiko erakundeak ez du Suitzako ordezkaririk ezta helbiderik bertan eta horregatik abiatu du egitura desegiteko bidea Suitzako Zaintza Agintaritza Federalak. Gazarako Israelek kontrolaturiko "laguntza" bideratzen dabil GHF fundazioa, soilik lau... [+]
Ostirala da, bero handia egin du gaur ere. Baserriko lanak bukatu ditugu, belarretan egin dugu. Nekatuta, izerditan, berotuta, baina pozik! Denon artean lortu dugu, denok bat ekinda lana hobeto egiten da.
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
