Nafarroako Musika Kontserbatorioko hiru irakasle salatu dituzte indarkeria matxistagatik
Hainbat ikaslek egin dituzte salaketak. Irakasleetako bat sare sozialen bidez ikasleei egindako jazarpenagatik eta sexu proposamenengatik salatu dute. Bigarrena, berriz, ikasgelan izandako jarrera desegokiengatik eta iruzkin sexistengatik. Hirugarrenari dagokionez, ikasleen esanetan antzeko arrazoiengatik kanporatu zuten urteak direla, baina klaseak ematera bueltatu da zentrora, jokabide berdinekin. Eserialdia egin dute ikasleek kontserbatorioaren aurrean astearte goizean, erasoak salatzeko.
aurre egingo dieten hedabide independenteak
Nafarroako Gobernuko Hezkuntza Saileko ikuskaritzak bi irakasleen aurkako espedienteak abiarazi ditu salaketak direla eta.
Kautelazko neurri gisa, eskolak ematea eragotzi dio Hezkuntza Sailak sexu proposamenak egin izana leporatu dioten Nafarroako Goi Mailako Musika Kontserbatorioko irakasleari. Azaroaren 22an eten zioten jarduna behin-behineko neurri gisa, eta Poliziak prozedura ebatzi bitartean ez da itzuliko zentrora. Irakasle beraren aurka, martxoan, salaketa jarri zuen ikasle batek Polizian, sexu delitua egotzita, baina urrira arte ez dute neurririk hartu bere aurka eta tarte horretan irakasleak salaketa jarri zion gazteari klaseak ematen jarraitu duela salatu dute ikasleek, batzuk bakarka, Eitb-k jaso duenez.
Bigarrengo irakaslearen inguruko ikerketa ere abiarazi dute, gutxienez sei ikaslek ikasgelan jasandako iruzkin sexistak salatzeko kexa formal bat aurkeztu baitzuten zuzendaritzan. "Ikasgela osoaren aurrean, irakasle honek honelako iruzkinak egiten ditu: 'Ikasle honek eskote hori jartzen du bularrak begira diezazkiodan', edo 'hain polita den ikasle hau nire neska-laguna izan zitekeen...'", salatu dute ikasleek. Idazkia aurkeztu zenetik irakaslea bajan dago, baina bere jokabideak diziplina neurriak merezi dituela mahaigaineratu dute ikasleek. Kontserbatorioko zuzendaritzak ikasleei adierazi die, ordea, baja egoeran dagoen bitartean ezinezkoa dela bestelako zigorrik aplikatzea. Testuinguru horretan, beste 120 ikaslek babestu dute beren ikaskideen idatzia.
Hirugarren irakasle bat ere salatu dute ikasleek. Beren esanetan, "duela urte batzuk antzeko arrazoiengatik" utzi zion kontserbatorioan klaseak emateari, baina berriz ere hartu zuten lanerako, eta iruzkin matxistak egiten jarraitzen du. Azken kasu honen berririk ez zuela adierazi du zuzendaritzak.
"Erasotzaileekin ikasgelan giltzapetuta"
Ikasleek "erasotzaileekin ikasgelan giltzapetuta" daudela salatzeko eserialdia egin dute astearte goizean kontserbatorioko ate aurrean, “aldaketa bat sortzeko eta isilean sufritzen dutenei ahotsa emateko”. Hainbat urtetan "ageriko sekretu” izan dena orain publikoki salatu dutela azpimarratu dute hitza hartu duten ikasleen ordezkariek. Kontserbatorioko zuzendaritzari esker ona azaldu diote hartutako neurriengatik, baina horiek "eraginkorrak" izatea eskatu dute. "Helburua da emakume gehiagorik halakorik ez pairatzea berriro. Ez da onargarria erasotzailea tarte batez kanporatzea eta gero berriro bueltatzea", adierazi dute.
Kontserbatorioko zuzendaria eta eta zuzendaritza taldea eserialdian izan dira ikasleei babesa agertzeko. "Ez ditugu [kasuak] alfonbrapean ezkutatu, ez direlako onargarriak", adierazi du bertan Arantza Lorenzo de Reizabal zuzendariak. Azaldu du martxoan beren karguak hartu zituztenetik "arduratsuak" izan direla eta neurriak hartu dituztela, eta barne protokoloak berritu dituztela.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana