LGTBI+ arretarako murrizketak bertan behera uzteko exijitu diote Nafarroako Gobernuari
LGTBI+ kolektiboari bideratutako sexu arreta eta juridikoa ematen duen Kattalingune elkartearentzat aurrekontua murriztu du Nafarroako Gobernuak: ia 38.000 euro gutxiago. Orain arteko zerbitzuaren "jarraikortasuna" etengo dela ohartarazi dute Kattalinguneko langileek eta LGTBI+ elkarteek. Murrizketaren ondorioz langileak kaleratu egingo dituztela uste dute.
Nafarroako Berdintasun Institutuaren baitan LGTBI+ kolektiboari bideratutako arreta eskaintzen du Kattalingunek. Astelehenean lanuztea egin dute, ordea, salatzeko hurrengo urterako gobernuak ia 38.000 euro gutxiago bideratuko dituela zerbitzura. Elkarteak Nafarroa osoan eskaintzen duen arretak kalitatea galduko duela ohartarazi dute, baita langileen baldintzak arriskuan jarri dituztela ere.
Iruñeko Parlamentuaren atarian, Kattalinguneko langileak, LAB sindikatuko ordezkariak eta LGTBI+ kolektiboaren eskubideen aldeko eragileek elkarretaratzea egin dute astelehenean, protestarako argudioak azaltzeko. Aurten arreta zerbitzuak izan duen aurrekontua ere datorren urterako motz geratuko litzateke haien ustez, inflazioa kontuan harturik; igoerarik ez, eta murriztu egin diete gainera 2023rako diru laguntza.
Azaroan izan zuten murrizketaren berri, Berdintasun Institutuak zerbitzuaren kontratuaren lizitazio publikoa zabaldu zuenean. Horretaz gain, langileen baldintzak okertzen ditu kontratuak: astean zortzi lanordu gehitu dizkie, eta lan karga handiagoa jarri.
Murrizketekin zerbitzuarekin kalitatea okertuko litzateke, eta lan baldintzak okertu
Kattalingunez gain, Dekumas, Despertrans, EHGAM, Safikak, Transkolore, Ilotaledo, Naizen, Lugatibe, 28J eta Kukuluak elkarteek ere sinatu dute lizitazioa bertan behera uzteko eskatzeko oharra. Nafarroako Gobernuak, hala ere, ezezkoa erantzun du, Berria-k jaso duenez. Sinatzaileek exijitu dute, halaber, langileak ez kaleratzeko. Izan ere, aurrekontu horrekin ez dute uste denak mantentzerik badenik.
Zortzi urteko jarduna Kattalingunek
Berdintasun Institutuak 2016an sortu zuen LGTBI+ kolektiboari begirako zerbitzu publikoa. Iruñeko, Tuterako, Irurtzungo, Tafallako eta Lizarrako egoitzetatik Nafarroa osorako doan ematen ditu ondorengo zerbitzuak: informazioa eta orientazioa, sexu arreta eta juridikoa, LGTBI+ eragileentzako arreta eta formakuntza.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.