Amazoneko Madrilgo langileek greba egingo dute
Amazon Spain-eko langileak greba egitera deituta daude martxoaren 22an eta 23an. Hala jakinarazi dute enpresa batzordea osatzen duten sindikatuek. Hamazazpi hilabeteko negoziazioen ostean bi aldeek ez dute adostasunik lortu eta langileen lan eskubideak arriskuan daudela ohartarazita, 24 orduko lan uztea proposatu dute sindikatuek. 1.100 langile daude greba egitera deituta.
2016an lan hitzarmena iraungita geratu zenetik, akordio berri bat lortzeko lanean jardun dute bi aldeek ia bi urtez. Pasa berri den otsailean jarri zuten sindikatuek data-muga akordioa lortzeko. Ez da horrelakorik gertatu, eta hitzarmena lortzeko enpresa estatubatuarrak erakutsi duen “interes falta” nabarmendu dute.
Lan eskubideak okertzeko proposamenak izan dira enpresaren aldetik jaso dituzten eskaintzakhartu emanak izan dituzten epean: soldata igoerak galarazi, lanpostuen balioa merketu, opor eta jai egunak murriztu, eta hainbat postutan soldatak jaistea izan dira, besteak beste, Amazonek mahai gainean jarritako baldintza berriak.
Irizpideok langileen arteko bazterkeria bultzatzen dutela azpimarratu dute sindikatuek eta produkzioa ona den arren, enpresak langileen egoera “prekarizatu” baino ez duela nahi diote.
Trapagaran jomugan
Bizkaian ere Amazonen eskumenetako antzeko zentro logistikoa eraikitzeko albistea zabaldu zen urtarrilean. Trapagaranen izango litzake, Babcock enpresaren eraikin zaharrean. 1.000 metro koadroko eremua da eta Madrilgo zentroak dituen ezaugarri antzekoak izango lituzke. Lekua oso estrategikoa dela adierazi zuen Xabier Cuellar Trapagarango alkateak eta ez dela jaso duten eskaintza bakarra izan. Dena dela, enpresa estatubatuarraren interesa positibotzat jo zuen eskualdean izango lukeen eragin ekonomikoa dela eta.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Oso ona iruditzen zait Soraluzeko “Jaso burua” ekimena, ezinbesteko kontzientziazioa bultzatzen baitu. Lehen Hezkuntzako umeen gurasoontzako hitzaldian izan nintzen joan den astean. Seme nagusia LHn zegoela, pantailen (eta pantailen edukien) erabileraren inguruko... [+]
LAB eta ELAk adierazi dute ez dela teilatua erortzen den lehen aldia, eta horrek arriskuan jartzen dituela langileak. Amazoneko langileek greban jarraitzen dute.
Trapagarango Amazoneko langileek salatu dutenez, “mehatxu eginez” deitu diete behin-behineko langileei greba egunetan lanera joan zitezen. Era berean, greba egunetarako “ordu osagarriak” eskaini izana leporatu diote enpresari.
Enpresaren jarrera “larria” salatu dute langileek. Eskaeren artean, jaiegunetan lan egiteagatiko konpentsazioak eta KPIari lotutako soldata-igoerak daude. Greba egunak abenduaren 17 eta 18a, eta urtarrilaren 3, 4 eta 5a dira.