Amazoneko langileek greba deitu dute Espainiako Estatuan, Black Friday eta Cyber Monday kanpaina betean

  • Espainiako lantoki guztietan lanuzteak iragarri dituzte azaroaren 27 eta 28rako. Soldata baxuak eta lan-babes eskasa salatu dituzte.


2023ko azaroaren 21an - 10:57
Azken eguneraketa: 11:58
Argazkia: Scottish Government CC BY-NC 2.0.
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Greba deitu du CC.OO. sindikatuak Espainiako Amazonen lantoki guztietan. Langileen asmoa ordubeteko lanuzteak egitea da txanda bakoitzeko azaroaren 27an eta 28an, Black Friday eta Cyber Monday kanpaina egunetan.

Langileek salatu dute Amazonek ez duela langileen osasuna babesteko neurririk hartzen lanak osasun kalteak eragiten dituenean. Halaber, adierazi dute istripuak kudeatzeko sistema eta segurtasun neurrietan “akatsak” daudela.

“Lan-erreklamazioak ebazteko baliabide gutxi” daudela nabarmendu dute, esaterako, nomina kobratzeko arazoak dituztenean eta baimen edo oporren kudeaketan: “Giza baliabideen tokian-tokiko sailek baliabide geroz eta gutxiago dituzte, eta egoera okerragotzeko, prozesu batzuk kanpora ateratzeak nabarmen hondatu du emandako laguntza”.

Soldatekin ere ez daude konforme. Langileen hitzetan, Amazonek probintzia bakoitzeko “gutxieneko soldata” ordaintzen du, eta ordainsari horiek ez dituzte konpentsatzen “konpainiak ezarritako lan-karga eta eguneroko eskakizunak”.

Sindikatua, desadostasun horiek konpontzeko asmoz, prest agertu da greba saihesteko SIMA erakundearen bitartez bitartekaritzara jotzeko. Amazonek, ordea, bere jarduna defendatu du eta aldarrikatu du soldata lehiakorrak, langileentzako onura integralak eta lan-ingurune moderno eta segurua eskaintzen dituela.

Beherapenak, arazoen iturri

Black Friday (azaroaren 24an) eta Cyber Monday-a (azaroaren 27an) gerturatzen ari diren testuinguru honetan, Ertzaintzak ohartarazpen bat adierazi du ziberiruzurrak direla eta, egun horietan kasuek igoera esponentziala izaten baitute. Mehatxu horiek ikusita, gomendioak eskaini ditu kontsumitzaileek online erosketa seguruagoak egin ditzaten, handiagoa baita iruzurren kopurua egun horietan.

Ertzaintzak proposatutako prebentzio-neurrien artean honako hauek daude: eskaintza-esteketan klik egitean neurriak hartzea, saihestea wifi sare publikoak erabiltzea datu pertsonalak edo finantzarioak sartzean, webguneen benetakotasuna egiaztatzea, itzulketa-politikak berrikustea, ordainketa-metodo seguruak erabiltzea, hala nola txartel birtualak edo PayPal, banku-mugimenduak monitorizatzea eta pasahitzen kudeatzaileak erabiltzea.


Kanal honetatik interesatuko zaizu: Amazon
ChatGPT-k hau ere badaki: datu zentroek milioika litro ur lapurtuko digute

Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]


Amazonen opari bat

Amazonek, Jeff Bezos magnatearen konpainia estatubatuar erraldoiak, dirutza gastatuko du Aragoin dituen hiru datu-zentroak handitzeko. Bere filial Amazon Web Servicesek (AWS) 15.700 milioi euro jarriko ditu Huescan eta Zaragozan, Pirinioetatik datorren Gállego ibaiaren... [+]


Amazonek Nafarroan “eskala handiko” bi zentral fotovoltaiko eraiki nahi dituela dio

Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos... [+]


2024-05-14 | ARGIA
LABek salatu du Amazonek “errepresio sindikala” egiten duela

Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak


2024-04-18 | Gedar
Lanuzteei ekin diete berriz Trapagarango Amazonen

Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.


2024-01-24 | David Lindemann
Jaso burua, baita ukabila ere

Oso ona iruditzen zait Soraluzeko “Jaso burua” ekimena, ezinbesteko kontzientziazioa bultzatzen baitu. Lehen Hezkuntzako umeen gurasoontzako hitzaldian izan nintzen joan den astean. Seme nagusia LHn zegoela, pantailen (eta pantailen edukien) erabileraren inguruko... [+]


Lantokiko teilatua erori ostean, Trapagarango Amazoneko langileak arriskuan daudela salatu dute

LAB eta ELAk adierazi dute ez dela teilatua erortzen den lehen aldia, eta horrek arriskuan jartzen dituela langileak. Amazoneko langileek greban jarraitzen dute.


Amazon Trapagarango langileek multinazionala salatu dute greba eskubidea urratzeagatik

Trapagarango Amazoneko langileek salatu dutenez, “mehatxu eginez” deitu diete behin-behineko langileei greba egunetan lanera joan zitezen. Era berean, greba egunetarako “ordu osagarriak” eskaini izana leporatu diote enpresari.


Bost eguneko grebari ekin diote Trapagarango Amazoneko langileek

Enpresaren jarrera “larria” salatu dute langileek. Eskaeren artean, jaiegunetan lan egiteagatiko konpentsazioak eta KPIari lotutako soldata-igoerak daude. Greba egunak abenduaren 17 eta 18a, eta urtarrilaren 3, 4 eta 5a dira.


2022-12-23 | Axier Lopez
Trapagarango Amazonen lantokiko grebek 60.000 pakete banatu gabe utziko dituzte

Hirugarren greba eguna izan da ostegunean multinazionalaren Trapagarango lantokian, urriaren 17ko lanuzteen eta azaroaren 28ko egun osoko grebaren ondoren. Grebaren sustatzaile LAB sindikatuak adierazi du Amazonen azpikontratetako 300 furgoneta baino gehiago ez direla kalera... [+]


2022-12-16 | Sustatu
Amazonen kutxatila-biltegi baten kontrako trollgintza

Irudi hau ez dago manipulatuta. Euskarazko Mastodon instantzia batean erabiltzaile batek egindako argazkia da, Hego Euskal Herriko bazter batekoa. Amazonen locker edo kutxatila-biltegi hauek hainbat bazterretan agertu dira azken urteotan, eta testu jakin batekin egon ohi dira:... [+]


2022-10-20 | Hala Bedi
Gotzon Mardarats (LAB)
“Trapagako Amazonen logistika zentroko langileak oso haserre daude”

"Guretzat onartezina da enpresa zuzendaritza greba batzordearekin komunikatzeko biderik zabaldu ez izana".


2022-10-17 | ARGIA
Amazonen Trapagarango logistika-zentroko grebak %100eko jarraipena izan du, LABen arabera

Hitzarmen baten negoziaketa, KPIaren araberako soldata igoera, asteburuetako lan jarduna mugatzea eta saritzea, eta banatzaileei subrogazio eskubidea aitortzea. Exijentzia horiek helarazi dizkiote Amazoneko langileek patronalari, eta negoziaketak hasi ezean grebari jarraipena... [+]


2022-10-13 | ARGIA
Trapagarango Amazon zentroan lanuztea antolatu du LABek urriaren 17an, lehen hitzarmena negoziatzeko

Trapagarango Amazonen logistika-zentroan LAB da sindikatu nagusia. KPIari lotutako soldata-igoerak, asteburuetako lana mugatzea eta banatzaileen subrogazio-eskubidea negoziatzea aldarrikatuko dituzte langileek urriaren 17an, zentroko lehen hitzarmena lortzeko helburuz.


Eguneraketa berriak daude