LABek salatu du Amazonek “errepresio sindikala” egiten duela

  • Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak


2024ko maiatzaren 14an - 07:30
Azken eguneraketa: 2024-05-15 19:37:42
LAB

Hemezortzi lanuzte eta greba egun deitu zituen LAB sindikatuak Amazonen Trapagarango lan zentroan, hitzarmen berria negoziatzeko. Sindikatuak gaur goizean Bilbon egin duen prentsaurrekoan jakinarazi du langileei banaka-banaka "presioa" egin diela, eta aldi baterako langileak kontratatu dituela grebalarien zuloa betetzeko. Horrez gain, LABen arabera, zigor mehatxuak ere egin ditu Amazonek, grebetan parte hartzeak "ondorioak" dituela esaten dabilelako.

Sindikatuak adierazi duenez, hamalau zehapen-prozedura ireki ditu Amazonek 2019an zentroa ireki zuenetik, eta LABek ez du uste kasualitatea denik lehen zigorra 2021eko lehen grebaren ondoren gauzatzea, eta ipini diren zigor guztiak grebetan parte hartu duten langileei ezartzea. "Zigor horiek hitzezko ohartarazpenak, lanik eta soldatarik gabeko egunak eta kaleratze bat izan dira", zehaztu du sindikatuko delegatuak.

Diziplina-erregimenaren erabilera "maltzurra" egiten du Amazonek, LABen esanetan. Arintzat tipifikatutako gertaerei zigor larriak ipintzen zaizkiela dio, eta langilearen defentsarako eskubidea ere urratzen dela sarri. "Errepresio-uholdea" nabarmendu du LABek.


Kanal honetatik interesatuko zaizu: Lan eskubideak
Tubos Reunidos enpresako sindikatuek salatu dute amiantoa agertu dela labe batean eta zenbait egunez lana ez zela gelditu

Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.


Greba mugagabean daude Gasteizko Udaleko autobus zerbitzuko langileak

Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.


2023-12-11 | ARGIA
Astebeteko grebari ekin diote Araba, Bizkaia eta Gipuzkoako eskola erlijiosoetan

Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.


2023-11-27 | Hala Bedi
Michelinek 150 langile kaleratzeko mehatxua egin du

Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.


Bost hilabetez kobratu barik egon ostean, Bizkaiko Correoseko langileek greba mugagabea abiatu dute

Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]


Eguneraketa berriak daude