“Auditoretza ekonomiko bat nahikoa izan da inbertitzaileak Muga meatze proiektuan atzera egiteko”
Ekologistak Martxanek eta Sustrai Erakuntzak diote txinatar inbertitzaileek atzera egiteak agerian utzi dituela Zangozako meatzearen "funtsik gabeko arrazoiak". Nafarroako Gobernuari eskatu diote "interes publikoari erantzuten ez dion proiektu defendaezina elikatzeari" utz diezaiola.
aurre egingo dieten hedabide independenteak
Muga meatzearen proiektua finantziaziorik gabe gelditu da, Txinako Qinghai enpresak atzera egin eta 257 milioi euroko inbertsioa ez duela egingo iragarri ondoren. Proiektuarentzat "kolpe gogorra" izan dela azaldu dute Sustrai Erakuntzak, Ekologistak Martxanek eta Bal d'Onsellako eta Erreniegako mendilerroko Potasa Meatzeen Kontrako Plataforma Bateratuak.
"Geoalcaliren eta Nafarroako Gobernuaren erreakzioa izan da hortzak estutzea eta kolpea ahalik eta ondoen jasatea, ezer garrantzitsurik gertatu izan ez balitz bezala", diote. Hala, salatu dute inbertsore berrien bila dabiltzala orain.
Baina ekologisten aburuz txinatar enpresaren erabakiak agerian utzi ditu "proiektuaren funtsik gabeko arrazoiak". Gogorarazi dute atzean segurtasun gabezia handiak daudela, bai juridikoki, politikoki zein ekonomikoki: "Auditoretza ekonomiko bat nahikoa izan da inbertitzaileak atzera egiteko", diote.
"Geoalcaliren eta Nafarroako Gobernuaren erreakzioa izan da hortzak estutzea eta kolpea ahalik eta ondoen jasatea, ezer garrantzitsurik gertatu izan ez balitz bezala"
Nafarroako Justizia Auzitegi Nagusiak Muga proiektuaren hiru baimenetako bat bertan behera utzi zuen 2024ko urrian, talde horiek jarritako helegitearen ondoren, eta abisua jo dute: "Oraindik argitzeke daude beste sententzia batzuk auzitegietan".
Gainera, Highfield Resources multinazionalaren filiala den Geoalcalik, Servinabar eta Accionarekin izan duen lotura ere argitzeko dagoela azaldu dute: "Dirudienez Muga proiektua susmopean dago Polizia ikerketetan, enpresa horien arteko erlazio ilunen zantzuak baitaude". Nafarroako Parlamentuari eskatu diote gehitu dezala bere espedientea, Cerdán auzia dela-eta abian den Ikerketa Batzordean.
Babes ekonomiko eta soziala jasotzeko Geoalcaliren estrategiak porrot egin duela uste dute Sustrai Erakuntzak eta Ekologistak Martxanek, eta gero eta zalantza handiagoak daudela Zangozako balizko meatzearen errentagarritasunarekin eta enpresak iragarri zituen "ehunka lanpostuekin".
"Garaia da Nafarroako Gobernuak eta gainerako administrazioek interes publikoari erantzuten ez dion eta defendaezina den proiektua elikatzeari utz diezaioten", amaitu dute.
Ez naiz aparretsia, orraztearen aparretsia, ezta gutxiagorik ere. Baina ikasturte berriari ekiteko, zer den ez den, lakarra zuzen-zuzen ederki asko eginda nator zuregana.
Bizitza azkar pasatzen dela entzun eta esaten dugu maiz. Hala ere, gizakiok urte dezenteko bizi-itxaropena daukagu. Hainbat urte izan ohi ditugu ongi garatu, bizi eta ugaltzeko. Badira, ordea, hori guztia denbora askoz ere laburragoan egin behar duten gu bezalako ugaztunak:... [+]
Historikoki, artzaintzari eta abeltzaintzari guztiz lotuta egon den bailara da Erronkaribarrekoa, baina azken hamarkadetan nabarmen eraldatu da eta turismoa bihurtu da jarduera nagusia. “Ekonomia horrela aldatu da, eta hamarkadaz hamarkada ardi, behi eta behor kopurua... [+]
Odolustea uztailaren 10ean hasi zen. Hamar buru hil zaizkigu harrezkero: hazarkume bat, ahari bat eta zortzi ardi. Odol analisiek baieztatu dute mingain urdinaren gaitzaren ondoriozko heriotzak izan direla denak ere.
Irailaren 2an izango da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte.
Ikerketa batek ondorioztatu du adituek uste baino AMOC korrontearen kolapsoa egoteko aukera handiagoak daudela. Korrontean aldaketa handiek eta azkenengo kolapso batek euri tropikaletan eraldaketa handiak eragingo lituzke, Europan negu oso hotzak eta uda lehorrak izango... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Araba eta Nafarroa zeharkatu behar zituzten goi-tentsioko bi linea elektrikoren proiektuak ez dira gauzatuko. Espainiako Trantsizio Ekologikorako Ministerioak Aragoiko Tueste herrian Forestaliak egin behar zituen lau poligono eolikoen proiektuak artxibatu ditu.
Izendapenak ahalbidetuko du kalte ordainak ordaintzeko prozesuak hastea. Bi suteetan 500 hektarea baino gehiago erre dira.
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Bero boladek, haizeak eta lehorteek suteak pizteko aukerak bikoiztu dituzte Europan. Portugal, Espainia, Grezia eta Turkia pairatzen ari dira suterik handienak. Milaka suhiltzaile eta herritar ari dira suaren kontra borrokan Europa hegoaldeko herrialdeetan.
