Korporazioak "(auto)exijentziaren eta (ko)erantzukizunaren kultura" ezartzeko beharraz hitz egingo du. Antolaketa eta finantzaketa eredu berriak ere finkatuko ditu gaurko batzarrean.
Mondragon talde kooperatiboak uztailaren 20an, asteazkenarekin, zita garrantzitsua du Donostiako Kursaalen. Batzarrean etorkizuneko ildoak markatuko ditu eta aurten batez ere balioen gainean hausnartzeko probestuko dute zita.
Bi ponentzia eztabaidatuko dira: “Etorkizuneko Mondragon” eta “Politika Sozioenpresariala 2017/2020”. Lehenengoan, “(auto)exijentziaren eta (ko)erantzukizunaren kultura” ezartzeko lan egin beharraz hitz egingo dute batez ere. Zentzu horretan, interkooperazioa eta eraldaketa soziala bultzatzeko proposamenak egingo dira.
Eraldaketa sozialaren arloan lanketa handia egin du Mondragon barruan Lanki ikertegiak azkenaldian –ekainean horren inguruko topaketak antolatu zituen–, duela mende erdi baino gehiago hasiriko esperientzia kooperatiboaren helburu eraldatzaileetara itzuli eta kooperatibagintza “berritu” baterako “nortasun ikur” hori aintzat hartzea da proposamena.
Antolaketan eta finantza tresnetan aldaketak
Asteazkeneko batzarrean Mondragonek antolaketa ereduan aldaketa batzuk eztabaidatuko ditu, “errealitate sozioenpresarial berriei erantzuna emateko”. Horretarako sektoreka bereizita dauden hamar proiektu identifikatu dituzte.
Bestalde, finantzaketaren arloan ere tresna berriak aztertuko dituzte batzarrean, negozioen “errentagarritasuna eta jasangarritasuna” kontuan hartuta. Bi funts berri izango ditu Mondragonek, interkooperazioan eta kooperatiben arteko solidaritatean oinarrituta. Ekintzailetza proiektu berriak bultzatzeko Mondragon Star Up funtsa sortzea ere aurreikusten da, kasu honetan hirugarrengoentzako litzateke.
Batzarrean eztabaidatuko den bigarren ponentzian Mondragonek etorkizunean dituen erronkei nola aurre egin hitz egingo dute. “Pertsonen identitate eta konpromisoa” oinarri hartuta enpresak etengabe eraldatu eta egokituz, negozio “lehiakor eta jasangarriak” egin behar direla defendatzen du ponentzia honek.
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Elorrioko Eroskiren produktu ez-galkorren biltegiko Cecosa azpikontratako langileek oso baldintza kaskarretan dihardute: biltegiaren azken katebegian egiten dute lan zama handiekin, eta Espainiako estatuko hitzarmena aplikatzen zaie. Abenduaren 11tik 16ra grebara jo zuten eta... [+]
Abenduaren 11tik 16ra egingo dute greba. ELA sindikatuak adierazi du lan hitzarmenaren “estatalizazioa” dela "lan baldintza latzen" erantzule.
Donostiako La Paz egoitza Mondragon taldeko GSR kooperatibak kudeatzen du, Egiako auzoan. Hain goiz esnatzeak adinekoentzat lan karga handiagoa eta arreta okerragoa ekartzen du.
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.