Mondragon Korporazioa elkarlanean ari da Israelgo defentsa fabrikatzaile handienarekin

  • Mondragon Korporazioak bost proiektu ditu esku artean erakunde israeldarrekin Ahoztar Zelaietak El Salton salatu duenez. Horren bidez hiru milioi euro inguru irabaziko ditu Mondragonek.

     


2024ko ekainaren 07an - 12:34
Argazkia: Wikipedia

Mondragon Korporazioaren Ikerlan kooperatibak HERWIGNT proiektu aeroespazialean parte hartzen du 2023tik. Israel Aerospace Industries du proiektu horretan lankide. IAI Israelgo defentsa fabrikatzaile nagusia izateaz gain, industria esportatzaile nagusia ere bada. 2025eko abenduan proiektua bukatzea aurreikusten dute. Enpresa sionistarekin egindako proiektuari esker, Ikerlanek 350.575 euro irabaziko ditu.

Mondragon Korporazioaren Lortek koopoeratibak FLASH-COMP izeneko programa koordinatzen du Mondragon Sistemas de Información (MSI) firma eta IAIen artean. Proiektu hau, konposatuen produkzio jasangarriaren ingurukoa da. 2022an hasi zen, eta 2026an amaituko da. Lortek-ek 801.812 euro irabaziko ditu, eta MSIk 338.100 euro.

Mondragongo Ikerlan eta Matz Erreka enpresak, fabrikatzean hondakinak murrizteko proiektu batean, Yoran Imaging Ltd israeldarrarekin dabiltza elkarlanean, ZDZW izeneko ekimenean. Proiektu hau 2025era arte luzatuko da. Ikerlanek milioi bat euro irabaziko ditu, eta Matz Errekek 213.840 euro.

Datu memoriaren sektoreko EMPYREAN proiektuan korporazioaren Ideko euskal enpresa eta Mellanox Technologies Ltd israeldarra dabiltza elkarlanean. Proiektu hau otsailean hasi zen, eta 2027ra arte luzatuko da. Idekori 329.687 euro finantziatuko dizkio europako funtsak.

Azkenik, Neiker eta Udapa euskal enpresek Technion enpresarekin PATAFEST ekimenean parte hartzen dute. Udapa, Mondragon Korporazioren erakunde finantziarioa den, Laboral Kutxak sustatutako kooperatiba da. Nekazaritzaren sektoreko proiektu bat da, eta 2027an amaitzea aurreikusten da. Neikerrek 555.791 euro irabaziko ditu proiektu honi esker, eta Udapak berriz 147.543 euro.


Kanal honetatik interesatuko zaizu: Mondragon Korporazioa
Eroskik 109 milioi euroko etekinak izan ditu 2023an, aurreko urtean baino %70 gehiago

Mondragon taldeko banaketa kooperatiba baikor azaldu da 2023an izandako etekinekin; inflazioak eta kostuen gorakadak jotako testuinguru batean "sendotasunez" erantzun duela azaldu du. Espainiako Estatuan hedatzen jarraitzeko ahalmena eman dio horrek eta 74 supermerkatu... [+]


Pertsona migratuentzako ekintzailetza kooperatiboa, bizi-proiektuak hobetzeko tresna bat

Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]


Asier Guerra Herrero, Cecosako langilea
“Eroskin higadura fisiko handia jasaten dugun langileontzat gutxieneko baldintzak lortu ditugu”

Elorrioko Eroskiren produktu ez-galkorren biltegiko Cecosa azpikontratako langileek oso baldintza kaskarretan dihardute: biltegiaren azken katebegian egiten dute lan zama handiekin, eta Espainiako estatuko hitzarmena aplikatzen zaie. Abenduaren 11tik 16ra grebara jo zuten eta... [+]


Greba hasi dute Eroskiko Elorrioko biltegiko langileek, gehienak migranteak

Abenduaren 11tik 16ra egingo dute greba. ELA sindikatuak adierazi du lan hitzarmenaren “estatalizazioa” dela "lan baldintza latzen" erantzule.


2023-07-07 | Ilargi Manzanares
Donostiako La Paz erresidentzian adinekoak goizeko 6:15ean esnatzen dituztela salatu du ELAk

Donostiako La Paz egoitza Mondragon taldeko GSR kooperatibak kudeatzen du, Egiako auzoan. Hain goiz esnatzeak adinekoentzat lan karga handiagoa eta arreta okerragoa ekartzen du.


Eguneraketa berriak daude