ARGIA.eus

2022ko abenduaren 08a

Mondragonek dio taldearen “kontzeptua bera” aldatzen duela Ulmaren eta Oronaren proposamenak

  • Mondragonek taldeko kooperatiba guztietara bidalitako dokumentu batean azaldu du zergatik bota zuen atzera Ulmaren eta Oronaren proposamena 2022ko kongresuan eztabaidatzeko. Ulmak haserre erantzun du, esanez Mondragoneko arduradunek “presio kanpaina” bat abiatu dutela euren asmoetan eragiteko.

Mondragon taldearen 2022 ko kongresua pasa den astean (irudia: TuLankide)
Urko Apaolaza Avila @urkoapaolaza
2022ko azaroaren 23a - 11:27

Ulmak eta Oronak Mondragon taldea uzteko barne prozesuak abiatu dituztela jakin zenetik, kooperatiba-taldeen arteko eztabaida eta tentsioa handituz joan da, eta aste honetan bertan batzuek eta besteek publiko egindako oharrak dira horren erakusgarri.

Mondragonek taldeko kide guztien artean dokumentua banatu du, azalduz zergatik bota zuten atzera ekainean Ulmak eta Oronak helarazitako “harreman esparru berri baterako” proposamena, kongresuan eztabaidatu zedin. Mondragonen esanetan, Ulmak eta Oronak “itunpeko kooperatiben figura berri bat sortzea” eskatzen zuten, eta ez legoke denborarik halako planteamendu bat, “Mondragon kontzeptua bera aldatzen duena”, Kongresura eramateko.

Dokumentua Tulankide.com-en webgunean irakur daiteke osorik. Besteak beste, Mondragoneko batzorde iraunkorrak eta kontseilu errektoreak testuan diote “elkarrizketarako” prest daudela eta Oronako nahiz Ulmako organo sozialekin bilerak eskatu dituztela, “baina orain arte ezin izan gara batu”.

"Presio kanpaina"

Ulmak haserre erantzun du, esanez Mondragonek bazkide kooperatibistengan eragiteko “presio kanpaina” abiatu duela: “Jokabide horren azken adierazlea izan da atxikitako kooperatiba guztien artean Oronak eta Umak Mondragonen antolaketa malgutzeko aurkeztutako proposamenaren aurkako dokumentu bat banatu izana, baina proposamen hori ez zaie kideei modu oso eta egiazkoan helarazi”, azaldu du.

Dokumentu horretan esaten direnak Mondragoneko kideen atxikimedu-askatasun eta subiranotasunaren kontrako erasotzat ditu Ulmak. Bere esanetan, gainera “harreman-eredu ireki” planteatzen zen proposamenean “lankidetza-hitzarmenetan oinarritua”.

Ulmak jakinarazi du 38 informazio saio baino gehiago egin dituela bere bederatzi kooperatibetako 2.789 bazkideen artean, eta horren ondoren erabaki duela ez ohiko batzarra deitzea abenduaren 16an, Mondragonetik baja eman edo ez erabakitzeko.

Kanal hauetan artxibatua: Kooperatibagintza  |  Mondragon Korporazioa

Kooperatibagintza kanaletik interesatuko zaizu...
2022-11-30 | BDS Koop
Aitor Bengoetxea Odriozola. Kulturaz Azpeitiko kultur kooperatiba
"Ateak ireki genituenean herriak gogotsu erantzun zuen eta kultur olatu interesgarri bat sortzen hasi zen"

Kulturaz Azpeitiko Kultur Kooperatibako kide da Aitor Bengoetxea Odriozola. Kooperatibak kudeatzen duen Dinamoa Sormen Gunean elkartu gara berekin, kulturaz, kudeaketa-ereduaz eta lankidetza publiko-komunitarioaz hitz egiteko.


Oronak ere abenduaren 16an egingo du batzarra, Mondragon taldetik irten ala ez erabakitzeko

Duela egun gutxi Ulmak iragarri bezala, Oronak ere ez ohiko batzarrean erabakiko du Mondragon taldearekin hemendik aurrera izango duen harremana. Hernaniko kooperatibak ere salatu du bere bazkideak "presioak" izaten ari direla eta "errespetua" eskatu dio... [+]


2022-10-13 | Garazi Zabaleta
Labore Bilboren itxiera
Zertan egin ohi dugu huts kontsumo alternatiborako proiektuak abiatzean?

Nabarmena da azken urteotan Euskal Herriko hamaika txokotan bestelako kontsumo ereduak bultzatzeko egitasmo ugari ari dela sortzen: kontsumo taldeak, kooperatibak, dendak… abian jartzen diren proiektu guztiek, ordea, ez dute beti lortzen denboran irautea eta hasierako... [+]


Biziberritu proiektua
“Enpresetako soberakinei bizi berria eman nahi diegu, hezkuntza mundura ekarriz”

Biziberritu proiektuak haurrek hain ohikoak ez dituzten materialekin jolastea proposatzen du: enpresetan sortzen diren hondakinak. Larraitz Esnaola Illarretak eta Alex Barandiaran Arteagak daramate aurrera, Mondragon Unibertsitateko Humanitate eta Hezkuntza Zientzien Fakultateko... [+]


Kooperatiba eraldatzaileak lurraldean nola saretzen diren aztertzeko plaza Lazkaon

Lazkaoko Biziola Fabrikan Lurralde Kooperatibak Josten jardunaldiak egingo dituzte urriaren 6an eta 7an, OlatuKoopek Mondragon Unibertsitateak eta GEZKIk antolatuta. Esperientzia kooperatibo eraldatzaileak ezagutuko dituzte topaketa horretan.



Irakurrienak
Argia buletina
Egunaren laburpena
zure e-postan
Eguneraketa berriak daude