Mobilizazioak indartuko dituztela aurreratu dute pentsiodunek

  • Hala jakinarazi dute borrokaren lehen urteurreneko manifestazioan. 1.080 euroko gutxieneko pentsioa eta KPIaren araberako pentsioen igoera aldarrikatu dute manifestazioko parte hartzaileek.

Iņigo Igartua @igartua19
2019ko urtarrilaren 21a
Larunbatean Bilbon egin zen manifestazioa. Argazkia: @EcuadorEtxea

Milaka lagunek “pentsio publiko duinak” eskatu dituzte Bilbon larunbatean, pentsiodunen mugimenduak protestak hasi zituenetik urtebete igaro denean. Antolatzaileen arabera, 40.000 pertsona inguru batu ziren Bizkaiko hiriburuko kaleetan.

Andrea Uña eta Jon Fano mugimenduko bozeramaileek “beren aldarrikapenei eusteko pentsiodunen jarrera" goraipatu dute. 1.080 euroko gutxieneko pentsioa “aldarrikapen izarretako bat” dela azpimarratu eta berau ziurtatu arte ez dutela “amore emango” ere adierazi dute.

Datozen hilabeteetarako mobilizazio plan bat egitea aurreikusi dute: "astelehenetako eta eskualdeetako mobilizazioetan pisu handiagoko protestak izango dira", jakinarazi dute boraramaileek. Maiatzean, bozen ataritan, “pentsiodunak, langileak, emakumeak eta gazteak bilduko dituen garrantzia handiko mobilizazio herrikoia” antolatzeko asmoa erakutsi dute. Hauteskunde urtea den honetan Espainiako Gobernuak, Eusko Jaurlaritzak eta Nafarroako Gobernuak zerbait esan beharko dutela adieraziz.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Pentsioak  |  Bilbo

Pentsioak kanaletik interesatuko zaizu...
Azkenak
EGILEA
Eguneraketa berriak daude