2022ko urriaren 01a
Hainbat literatura-lan itzuli izan ditu euskarara nahiz gaztelaniara. 44 urte zituela hil da itzultzaile nafarra.
Nazioarteko idazle ezagun batzuen liburuak itzuli izan dituen Miren Iriarte Oyaga nafarra zendu da agorrilaren 9 honetan. Besteak beste, 2018an euskarara ekarri zuen Fleur Jaeggy suitzarraren Proleterka eta Elena Ferrante italiarraren Ihesi doana eta gelditzen dena 2016an.
Euskaraz idatziriko obren itzulpenei dagokionez, Danele Sarriugarteren Erraiak eta "Zirriborroak eta gero" proiektuaren baitako azken honen ipuina ere itzulitakoa da Iriarte Oyaga. Samara Velteren Nik sinesten dizut eta Uxue Alberdiren Kontrako eztarritik: emakume bertsolarien testigantzak ere gazteleratutakoa da.
2001az geroztik lan horretan ibilitakoa –tartean hamalau urtez Iruñeako Udalarentzat–, aurretik kazetaritzan ere ariturikoa da. Kazetaritzan lizentziaduna Euskal Herriko Unibertsitatean (2000), Itzulpengintza Masterra EHUn eta Literatur Itzulpengintzako Graduondokoa Pompeu Fabra Unibertsitatean egin zituen.
EIZIE Euskal Itzultzaile, Zuzentzaile eta Interpreteen Elkartean ere aktibo izandakoa zen, tartean, Zuzendaritza Batzordetik 2013-2014 urteetan.
Iazko otsailean, Itzulpengintzan berezituriko Vasos Comunicantes komunikabideak elkarrizketatu zuen Elena Ferranteren liburuen itzulpena estakuru harturik. 44 urte zituela eman du azken hatsa itzultzaile nafarrak.
Egunak laburtzen ari dira nabarmen, ihintza gailentzen ari da goizetan eta aurki lurruna ahotik darigula bildu beharko dugu jertse eta bufanda artera. Uda amaiera gozoa izan dugu, halere, euskal literaturazaleok: bestetzuen artean heldu zaigu apalategietara Jose Luis Otamendiren... [+]
Castillo Suarezek hartuko du Patxi Zabaletaren lekua Euskararen Akademian. Orain, euskaltzain oso berriak zortzi hilabeteko tartea dauka sarrera-hitzaldia paratzeko.
Ikusi Mikusi euskara hutsezko haur eta gazte literatura azoka urriaren 7 eta 8an egingo dute, Saran. Euskal Herri guztiko ikastetxeak hurbilduko dira eta ikasleek elkarren arteko topaketa egingo dute.
Euskal literaturaren kritikagintzan aritzen da azkenaldian Irati Majuelo (Iruñea, 1993), bi astero, Berriaren orrietan. Baina aurretik ere bazuen euskal literatura aztergai, modu akademikoan. Doktore tesia ontzen ari da, hain justu, euskal literaturaren eta hiriaren... [+]
11 proiektu aurkeztu dira sariketara eta epaimahaiak Lizar Begoñaren Itzalkinak eguzkitan eleberri proiektua aukeratu du bekaz laguntzeko.
