Omar Bongo presidente ohia 2009an hil ondoren bere seme Ali Bongo bilakatu zen presidente. Bongo familia 1967 urtetik dago boterean. Azken hauteskundeak larunbatean egin ziren eta Bongok berriro irabazi zuen iruzur salaketen artean.
Militar taldea “Instituzioen Trantsizioaren eta Berrezarpenen Batzorde” gisa aurkeztu da. Telebistan eginiko agerraldian herrialdeko “krisi instituzionala, politikoa, ekonomikoa eta soziala” salatu dute militarrek. Mugak itxi eta instituzio guztiak desegin dituzte. “Hauteskundeak ez ditu bermatu bozketa garbi, sinesgarri eta inklusibo bat egiteko baldintzak”, militarren esanetan. Libreville-n, Gaboneko hiriburuan, hainbat pertsona atera dira kalera militarrei babesa erakusteko.
Kolpea Albert Ondo Ossa Bongoren oposizioko hautagai nagusiak egin zuen hauteskunde-iruzurren salaketaren ondoren eman dute. Hauteskundeek ez zuten eduki nazioarteko behatzailerik eta hauteslekuak berandu ireki ziren. Gainera, hauteskundeen ondoren Poliziak internet konexioa moztu eta etxeratze-agindua eman zuen. Ez da hauteskunde-iruzur salaketa egiten den lehenengo aldia: 2016ean ere Jean Ping opositoreak iruzurra salatu zuen, eta 2019an Bongoren aurkako estatu kolpe saiakera bat izan zen.
Olivier Veran Frantziako Gobernuko bozeramaileak estatu kolpea kondenatu du. Frantziak Gabonen 400 militar eta interes ekonomiko garrantzitsuak ditu. Europar Batasunak kolpeak “Afrikari desegonkortasun handiagoa” ekarriko diola esan du, eta “kezka" adierazi du. Hainbat herrialdeek, hala nola Ameriketako Estatu Batuak, Errusiak eta Txinak, “kezka" agertu dute.
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Sahelen inguruan azken urte gutxian egon diren estatu kolpeen kopurua deigarria da, eta hori ulertzeko LARRUN honetan aipatu ditugun sakoneko arrazoiei erreparatu diete hainbat adituk. Herrialde bakoitzaren egoera desberdina izan arren, eta azaldutako auziez gain beste hamaika... [+]
Hain zabala baina europar zurientzako hain ezezaguna den Afrikak lerroburuak hartu ditu azken bolada honetan. Liskarrak, hildakoak, Polizia, agintariak, herritarrak, gazteak... egun gutxi batzuetan fokua hara bideratzen da, baina notiziak iritsi bezala badoaz, eta ahazten dira... [+]
1973ko estatu kolpea gertatu baino lehen Nixon garaiko AEBtako presidenteak jasotako dokumentuak argitaratu ditu Washingtonek ostiralean, Alexandria Ocasio-Cortez AEBtako Ordezkarien Etxeko kideak Txileri egindako bisita ondoren. Ocasio-Cortezek gardentasuna eskatu du,... [+]