2023ko Jaurlaritzaren publizitate gastua, Gobiernovasco.marketing webgune praktikoan

  • 2023an ireki zuen Jaime Gómez-Obregon programatzaile espainiarrak Gobiernovasco.marketing tresna; Eusko Jaurlaritzak egindako publizitate kanpainen datuak modu ulergarrian azaltzeko, 2018-2022 urte tartekoak. Iazko datuak prozesatu ditu orain, eta berrikus ditzakezue jada. Sekulako lanak hartu ditu Gómez-Obregonek horretarako zerem Jaurlaritzak ematen duen informazio publikoa, apropos ala gura barik, PDF deserosoetan, formatu egokirik gabe, eta errorez beteta dator.

2018-2023 artean diru gehien jaso duten hamar hedabideak.
Artikulu hau CC BY-SA 3.0 lizentziari esker ekarri dugu.

2024ko maiatzaren 17an - 11:13

Iaz egin zuen lana, software garapena, libre banatu zuen programatzaileak, baina, jakina, ez du Jaurlaritzak berrerabili: 200 orri pasa dituzten PDFak banatzea hobeto. PDF hori bera ere webgunera kargatu du, hona.

Dokumentu horretan dauden erroreen artean, agerkari digitaletako gastuetan batuketa okerrak, adibidez:

Hari honetan bildu ditu Gómez-Obregonek errore horiek, eta aurten egindako lan eskargari buruzko kontakizuna.

Eta aurtengo (hau da, aurreko urteko, 2023ko) emaitzei dagokienez, ikus GobiernoVasco.marketing, non iazko datuei gehitu zaizkien jada 2023ko publizitatea eta komunikazio gastuak. Bilaketa azkar batean, 2023. urtearekin lotu daitezkeen kanpainak hemen, 149 guztira.

Eta gai konkretu bat, aipatzeagatik Tourraren Grand Depart delakoa, bi kanpainatan ageri dena (irudipena dugu gehiago ere izan zirela, baina tira, analisatutako txostenean bi agertzen dira).

Iazko datuetan ikusitako gauza bat agerian hor. Gaztelerazko hedabideetan eta komunikazioan egiten du gastua Eusko Jaurlaritzak, Tourrarekin bezala, gai gehienekin. Tourreko bi horietan, egunkarietako gehigarrietan, gastatu ziren 5.000 euro Berrian, eta 21.000 gaztelerazko egunkarietan. Eta trafikoaren gorabeheren komunikazioan, 156.904 euro inbertitu ziren: 544 izan ziren Bizkaia Irratian, eta medio publiko euskarazkoetan (ETB?, Gaztea eta Euskadi Irratian) 12.000 euro inguru. Hau da, 144.000 euro gaztelerazko komunikazioan.

Gogoratzeko, iaz Argiak berraztertu zituen Gómez-Obregonek webgune horretan argitaratuak, eta erreportaia eta grafiko hau kaleratu zituen:


Kanal honetatik interesatuko zaizu: Publizitate instituzionalaren banaketa
2023-12-11 | Axier Lopez
Jaurlaritzaren publizitate banaketa
Botere mediatikoak eskuindarra eta erdalduna izaten jarrai dezan

Euskal Herriko erakunde publikoek urtero milioiak banatzen dituzte hedabideen artean, instituzioen publizitatea zabaltzearen edo hedabideen ekimenak babestearen truke. Oro har, datu publiko horien gardentasun ezak zaildu egiten du argazki osoaren jabe egitea, baina zorionez,... [+]


2023-12-11 | Axier Lopez
Jaime Gómez-Obregón
“Datuak zabaltzen dituzte aho txikiarekin, gardena izatea beste gauza bat da”

Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian... [+]


Daniel Grabner, ikerlaria
“Egunkari nagusi gehienak erabat menpeko dira publizitate instituzionalarekiko, desagertu egingo lirateke gabe”

Hitzarmena iragarkien truke - hedabideen eta Austriako Estatuaren arteko menpekotasunak. Izenburu hori dauka Daniel Grabner ikerlariak (Austria, 1990) KriKoWi konferentzian egindako aurkezpenak. Bertan xehe azaldu du publizitate instituzionala nola banatzen den herrialde... [+]


2021eko datuak
Donostiako Udalak ia milioi erdi bat euro banatu dizkie gaztelaniazko hedabideei, publizitate instituzional kontzeptuan

Ia milioi erdi bat euro ordaindu zizkien gaztelania hutsez edo nagusiki hala diren hedabideei Donostiako Udalak publizitate instituzionalaren bidez, eta euskarazkoei, kontrara, 32.000 euro. El Diario Vasco eta Ser Irrati kateak diru-poltsaren ia erdia jaso dute, eta euskarazko... [+]


2021-04-13 | ARGIA
Iruñeko Udalak euskarazko hedabideak publizitate instituzionaletik kanpo utzi ditu

Administrazioan Euskaraz Taldeak salatu duenez, Iruñeko Udalak 2020. urtetik publizitate instituzionaletik kanpo utzi ditu euskarazko hedabideak, ez dutelako audientzia osoaren %10. Euskararen aldeko taldeak oroitarazi du 2016ko inkesta soziologikoaren arabera,... [+]


Eguneraketa berriak daude