Milaka lagun kalean, Kristau Eskola eta IZEAko langileen grebari erantzunez

  • Bi egunez jarraian greba zuten deituta Kristau Eskola eta IZEA itundutako ikastetxeetako langileek. Sindikatuen arabera, grebaren jarraipenak aisa gainditu du langileen %65 eta asteazkenean milaka lagun irten da kalera EAEko hiru hiriburuetan. Astearte eguerdian Bilbon egindako manifestazioan, berriz, 6.000 lagun baino gehiago bildu zen.

ARGIA @argia
2018ko urriaren 10a
Bilbon astearte eguerdian egindako manifestazioa izan da jendetsuenetako bat (arg.: Ecuador Etxea)

Bosgarren greba deialdia izanagatik ere –joan den ikasturtean beste hiru greba egun egin ziren–, asteartean bezala asteazkenean eragin handia izan du Kristau Eskola eta IZEA Araba, Bizkaia eta Gipuzkoako itundutako ikastetxeetako lanuzteak.

Denera 250 ikastetxe eta 9.000 langiletik gora biltzen ditu sektoreak, eta 120.000 ikasle daude matrikulatuta eskola horietan. Zenbait kasutan grebaren jarraipena %80koa izan dela ziurtatu dute sindikatuek. Aldiz, Kristau Eskolako patronalak dio soilik langileen %34 ez dela joan lanera.

LAB, ELA eta Steilasek kaleratutako ohar bateratuan euren balorazioa egin dute: “Langileek bost greba egun hauei emandako babes zabalak, argi erakusten digu patronalek sektoreko aldarrikapenei erantzuten dioten edukiak mahai gainean jarri ezean mobilizazio eta greba dinamika gogortzeko prest daudela”.

Hamar urte daramatzate lan hitzarmena berritu gabe eta %10eko galera jasan dute soldatetan ondorioz. Horrez gain, langile guztien lanaldia erregulatzea eta prekarizatuen eta feminizatuen dauden langile-kidegoen baldintzak hobetzea ere eskatzen dute, besteak beste.

CCOO eta UGT sindikatuek ere babestu dute greba. Azkeneko honek gogorarazi du Krsitau Eskolarekin 35 bilera egin direla baina “patronalak proposamen seriorik aurkeztu gabe jarraitzen du”. Hala, azaroaren 27tik 30era berriz ere grebara joateko tenorean dira, “lan duintasuna itzuliko digun hitzarmen berria” lortu arte.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hezkuntza  |  Sindikalgintza  |  Langile borroka  |  Bilbo

Hezkuntza kanaletik interesatuko zaizu...
Egiletasuna eta generoa
Zerbait hautsi, edo ireki, edo agertu

Literatur egiletasunari buruzko ikastaro batera joan nintzen azaroaren hondarrean. Kronika objektibo bat egin ezin, eta kronika zintzo bat egiten saiatu naiz. Nolakoa da euskal literaturen joko-zelaia, eta nola mugitzen gara horretan barrena?


2018-12-13 | Hala Bedi
Ariketa kolektiboa, torturak sortutako ertzei aurre egiteko

Bulkada Berrien Garaia Da-k antolatuta, mahai-ingurua egin dute Gasteizko Kanpusean, torturak gazteengan duen eta izan zuen eragina aztertzeko. Bertan izan dira Iker Moreno Gazte Antolakundeko militante ohia, Oihana Barrios psikologa eta Ignacio Mendiola soziologoa. Torturak sortutako eta isildutako ertzen inguruan ariketa kolektiboen beharra dagoela azpimarratu dute.


Jaurlaritzak aurkezturiko Hezkuntza Legearekin kritiko, prozesu berri bat eskatu dute eragileek

EAErako Hezkuntza Legearen oinarria izan nahi duen dokumentua aurkeztu zuen urrian Eusko Jaurlaritzak Eusko Legebiltzarrean. Sindikatuek eta hezkuntza arloko hainbat eragilek salatu dute dokumentu horretara iristeko prozesua "parte-hartze demokratikoaren aurkakoa" izan dela erabat, "berak erabaki baititu bai edukiak, bai lantaldeen osaketa", eta gainera "oinarrizko hainbat gai kanpoan utzi" dituela. Adostasun zabala lortuko duen benetako prozesu demokratiko berri... [+]


2018-12-12 | ARGIA
Gasteizko campuseko erasoarekin lotuta hiru lagun atxilotu ditu Ertzaintzak

Hiru gazte atxilotu ditu Ertzaintzak astearte arratsaldean Gasteizen, EHUn joan den azaroaren 30ean ikasle batek jasan zuen erasoarekin lotuta daudelakoan. Horietako bat aske utzi dute eta agintaritza judizialaren aurrean agertu beharko du, deitzen dutenean.


2018-12-11 | Hala Bedi
Aitor Lacasta, Skolae
"Generoa gizartearen konstrukto bat da, genero desberdintasunik ez egotea lortu nahi dugu"

Skolae Hezkidetza programak polemika asko piztu du Nafarroako eskuinaren artean. Haurrak berdintasunean hezteko programa Nafarroako eskola guztietara zabaldu du Gobernuak Skolae programarekin, irakasleen hautua izateari utzi eta haur guztiek beharrezko heziketa hori jaso dezaten.


2018-12-10 | Hainbat egile*
Segregaziotik bazterkeriara

Bazterketa izan da historian zehar herri  askotako bizitzeko moduan gertatu dena. Eta baztertuek bere defentsarako erabili izan dute bazterketa. Defentsa fisikoa egiteko batzuetan eta ohiturak babesteko beste batzuetan, pentsatuz hobe zela berdinak berdinekin elkartzea indar handiagoa izateko.


Ortografia akatsen izurritea

Edukia zuzen baldin badago, adierazkortasunari eta ortografia akatsei garrantzia kentzen zaiela eta unibertsitateraino ikasle ugari gaizki idatziz iristen direla dio El Paíseko artikulu batek; ortografia akatsen izurritea bizi dutela Espainian. Nago, euskararekin ere antzera gabiltzala, WhatsApparen aroan.


2018-12-09 | Reyes Ilintxeta
Pello Reparaz. Bere kabuz hegan hastera doan arranoa
"Zerbait berria egin ahal izateko Vendetta amaitzea ezinbestekoa zen"

Musika pasioa eta lana du. Vendetta taldeari amaiera eman eta beste hamaika proiektu abiaraztea du helburu. Bitartean, ‘Euskalonski’ak ezagutarazten jarraituko du ETB1en eta haurrei giza balioei buruzko gogoeta egitea proposatuko die Baloreak disko berriaren abestiekin. Geldiezina.


2018-12-05 | I˝igo Igartua
Seaskarekin negoziaketak berrabiarazteko prest azaldu da Frantziako Gobernua

Euskararen Erakunde Publikoak postuen ukapenari buruzko problematika konpontzeko dagokion 140.000 euroko aurrekontua bere gain hartzeko eskatu zion Hezkuntza Ministerioari.


"Gure Leihoa" aldizkaria sortu du Leioako Ikasle Mugimenduak

Ikasleei hitza ematea helburu duen aldizkari autogestionatua sortu dute EHUren Leioako campusean. Salgai dago astelehenaz geroztik.


Eguneraketa berriak daude