Mikel Karrera Sarobe euskal presoa Lannemezango espetxera gerturatu dute

  • Mikel Karrera Sarobe euskal presoa Lannemezango kartzelara gerturatu du Frantziako Gobernuak, Etxerat elkarteak informatu duenez.

ARGIA @argia
2019ko maiatzaren 22a
Mikel Karrera euskal presoa, 2016an Espainiara eraman zutenean poliziak zabaldutako irudi batean.

Reau sud-Francilien espetxean zegoen preso Karrera eta Euskal Herritik 280 kilometrora dagoen Lannemezango kartzelara eraman dute, astearte honetan euskal preso politikoen senideek osatzen duten Etxerat elkarteak jakinarazi duenez.

Duela bederatzi urte, 2010eko maiatzean atxilotu zuten Karrera Baionan, Frantziako Jendarmeriak eta Espainiako Guardia Zibilak batera prestatu zuten operazio polizialean. 2013ko apirilean bizi osorako kartzela zigorra ezarri zioten, Capbretonen bi guardia zibil hil zituen atentatu batean parte hartu izana leporatuta.

Etxetik 800 kilometro baino gehiagora egon da preso Karrera eta urruntze horrez gain, haren senideek beste hainbat arazo izan dituzte. 2015ean, adibidez, haren bikotekidea eta orduan urtebete zeuzkan alaba atxilotu egin zituzten presondegian, aurrez aurreko bisita batean telefono mugikorra aldean edukitzeagatik, Sarek salatu zuenez.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Sakabanaketa

Sakabanaketa kanaletik interesatuko zaizu...
Azkenak
EGILEA
Eguneraketa berriak daude