Mikel Barrios presoaren etxeratzea exijitu dute Itsasun eta Iruñean
Ehunaka lagunek deitoratu dute Barriosen presondegiratzea. Ekainaren 29tik geroztik preso da Mont-de-Marsaneko presondegian, Parisko epaitegiak bost urteko kartzela zigorra ezarririk.
900 lagunez gora batu dira Itsasun uztailaren 4 honetan, bertan bizi zen Mikel Barrios iruindarrari elkartasuna adierazteko. Lapurdiko hirian barna ibili ondoren, bide nagusia moztu eta bertatik luzatu dute aldarria: “Segituko dugu, katerik gabeko herri bat sortzen, kartzelak zentzurik ukanen ez duen jendartea eraikitzen eta zapalkuntzarik gabeko jandarte baten alde borrokan”.
Mikel Barrios presoaren etxeratzea exijitzen dabiltza Itsasun 900 lagun. Bide erdian jarriak dira, autoen zirkulazioa moztuz. @argia pic.twitter.com/8T5YAZEOj5
— Jenofa_B (@Jenofa_B) July 4, 2020
Egun berean, Iruñean ere burutu dute manifestazioa, Sare-ren Izan bidea ekimenak deiturik.
Ekainaren 29az geroztik preso da Barrios, 2018az geroztik baldintzapean aske egon ondoren, Parisko epaitegiak bost urteko kartzela zigorra erabakirik.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.