Migratzaileek mugan bizi dutena bertatik bertara ezagutzen ari dira ikasleak
Azken hilabeteotan ikastetxe ugari gerturatu dira Irunera, bertako Harrera Sarearen laguntzaz bidean diren migratzaileen errealitatea ezagutu asmoz. Ikasleei inpaktu handiena sortzen diena poliziak hartua duen muga bera dela kontatu digute Irungo Harrera Saretik.
Ikastetxeetan aspalditik dago presente Irungo Harrera Sarea, ikasleei migrazioaren errealitateaz hitz egitera joaten urteak baitaramatzate, baina ikasturte honetan bestelako proposamena jaso zuten Hernaniko institututik: Irunera bertaratu nahi zuten ikasle-irakasleek. Aurretik, lanketa egina zuten, tartean Hernaniko Amher elkartearekin, eta inportantea iruditu zaio Oihana Galardi Irungo Harrera Sareko kideari, "beldur apur bat ematen zigulako hau nolabaiteko atrakzio-parke bihurtzea, ‘goazen migratzaileak ikustera’". Hori hala ez izatea zaintzen du Sareak.
Hernaniko ikasleekin, "saiatu ginen azaleratzen migratzaileen egoera, nola etortzen diren eta zer suposatzen duen Irunera iristeak. Batxilergoko ikasleak ziren eta esan genien euren adineko jendea ere ailegatzen dela, hein batean egoera horretan jarri zitezen". Irungo tren geltokira hurbildu eta ikasleak migratzaileen azalean ipini zituzten: "Non zaudete eta zein dira aurrera egiteko dituzuen tresnak?". Adibidez, nabarmendu zuten mugikorrak zeinen inportanteak diren ibilbide honetan, "ezjakintasunetik maiz egiten den komentario mingarria baita ‘begira, mugikorrak dituzte, migratzaile hauek ez dira hain pobreak’", dio Galardik.
Harrera Sarearen beste borroka bat ere helarazi zieten ikasleei: bidean diren migratzaileek gaua pasatzeko aterpetxeetan jende bat kalean uzten dutela, baldintzak betetzen ez dituztela argudiatuta. "Profil batzuk deskribatu genizkien eta galdetu genien: zuen ustez zein hartuko dute eta zein ez aterpetxean?".
"Profil batzuk deskribatu genizkien eta galdetu genien: zuen ustez zein hartuko dute eta zein ez aterpetxean?"
Mugan hesiak, polizia eta identifikatutako ikasleak
Hernaniko ikasleekin egin moduan jardun dute ondoren etorri diren ikastetxeekin ere, eta lau ordu inguruko bisitan Frantziako eta Espainiako estatuen arteko muga bisitatzera joaten diren unea izaten da ikasleei inpaktu eta arreta gehien eragiten diena, Oihana Galardiren esanetan. "Gazteek adibidez hesiak mugitu zituzten eta poliziaren jarrera oldarkorrak harritu zituen, jendarmeek oihu egin zietelako hesiak astintzeagatik". Talderen batekin egindako dinamika ere aipatu digu Galardik: azal iluna duen ikasle batek berak bakarrik gurutzatu zuen muga, eta dokumentazioa eskatu zion Frantziako Poliziak, ez ordea atzetik joan ziren gainerako ikasleei.
Azal iluna duen ikasle batek berak bakarrik gurutzatu zuen muga, eta dokumentazioa eskatu zion Frantziako Poliziak, ez ordea atzetik joan ziren gainerako ikasleei
Irun, Hendaia, Bera, Baiona, Bilbo eta Iruñea aldeko ikasleak izan dituzte hilabeteotan, baita Deustun solidaritatearen kriminalizazioaz masterra egiten ari diren ikasleena ere. Halere, bisita hauek ez daude Harrera Sarearen programan, bai ordea ikastetxeetara hurbiltzea. Elkarrizketa egin diogun egunean bertan, Irungo Toki Alai eskolara doa Galardi, migrazioaren ertz ugariez ikasleekin solastatzera. "Gaurkoa berezia da gainera, ikasleek UNESCOren 'Emaidazu bizitza minutu bat' lehiaketan saria irabazi dutelako eta erabaki dutelako sariaren dirua Irungo Harrera Sareari ematea".
Hezkuntzak egun osoko greba bizi du Hego Euskal Herrian eta jarraipen zabala izaten ari dela adierazi diote ARGIAri langileen eta ikasleen ordezkariek. Jarraipenaren datuak, elkarretaratzeak, zabaldu dituzten mezuak eta deialdi berezituaren arrazoiak jaso ditugu. “Beste... [+]
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Espainiako Estatuko presidente Pedro Sanchezek duela sei hilabete agindu zuen “txiringito pribatuei” muga jarri behar zitzaiela. Tamaina, irakasleak, ikerketa eta finantziazio kaudimena dira ezarri berri diren oinarrizko baldintzak.
ARGIAren komunikazio proiektua barrutik ezagutu eta kazetari gisa trebatzeko aukera zabalduko dugu. 2026an gure erredakzioan praktikak egin nahi badituzu, animatu eta aurkeztu zaitez azaroaren 6an egingo dugun azterketara. Kazetaritzako, Ikus-entzunezko Komunikazioko,... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Eskolak gero eta arazo psiko-sozial eta emozional gehiago antzematen dituen garaiotan, zein dira ikasleek azaleratzen dituzten korapilo nagusiak? Nola kudeatzen dute hezitzaileek hori guztia eta noraino iristen da eskola? “Hainbat kasuk gainezka egiten digu, baina ezin... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Ikastetxean nolako jolastokia nahi duten gogoetatu eta proposatu dezakete Iruñeko Haur eta Lehen Hezkuntzako eskola publikoek. Horietako bi proiektu hautatu eta martxan jarriko ditu udalak datorren ikasturtean bertan, profesionalek lagunduta. Hainbat eskolak “ez du ez... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
Batzuentzat, erakargarria, motibagarria, parte-hartzailea eta dinamikoa; besteentzat, nahasgarria, konplexua, zentzu pedagogiko argirik gabeko jolasa. Matematika ikasteko Euskal Herriko gero eta ikastetxe gehiagotan sartzen ari den Innovamat metodologiak iritzi kontrajarriak,... [+]
Oso orokortuta dagoen praktika apurtu duten kasu bakan batzuen berri izan du ARGIAk: 3 urteko ikasgeletako irakasleek eurek erabakita, aurten ez dute egokitzapenik egin gela horietan. Non da egokitzapena borondatezkoa, zer dio legeak eta zer adituek? "Beti eman behar da... [+]
Nafarroako Hezkuntza Departamentuak 3 urteko geletako ratioa 20 umera jaistea hitzartu berri duenean, bestelako errealitatea salatu dute Irurtzungo Atakondoa ikastetxeko gurasoek: tutore bakarrak behar ugari dituzten 24 umeren aniztasunari erantzun eta akonpainamendu egoki eta... [+]