“Mesedez, ez hiltzeko” eskatu zien poliziei George Floydek, bideo berri batek agerian utzi duenez
George Floyden hilketan parte hartu zuen polizietako batek gorputzean zeraman kamararen irudiak filtratu dira. George Floyden atxiloketaren hasierako uneak eta haren bizitzako azken momentuak erakusten dituzte. Floyd poliziekin kolaboratzeko prest agertzeaz gain, bera tiroka ez hiltzeko eskatu zien poliziei.
Daily Mail egunkariak astelehenean argitaratu ditu George Floyden atxiloketan parte hartu zuten bi polizien kameren zenbait irudi. Polizia horietako batek, Derek Chauvinek, ia zortzi minutuz lepoan belauna jarrita, hil egin zuen Floyd. Arnasarik ezin zuela hartu 30 bat aldiz adierazi zien Floydek poliziei.
Filtratutako bideo berri honek agerian utzi ditu George Floyden jarrera ez-bortitza eta poliziekin kolaboratzeko prestutasuna. Bi poliziei tiro ez egiteko eskatu zien hainbatetan, bera hil baino minutu batzuk lehenago. Bideoan, Floyd bere autoan eserita ageri da esanez: "Mesedez, ez tiro egin. Ama galdu berri dut".
CBS hedabideak sarera igo du bideoa azpitituluekin:
Democrazy Now hedabideak transkribatu du bideoaren zatirik esanguratsuena:
Thomas Lane polizia: "Irten eta beste aldera begiratu".
George Floyd: "Ongi, ofizial jauna. Mesedez, ez tiro egin. Mesedez, txo! "
Thomas Lane: "Ez dizut tiro egingo".
George Floyd: "Mesedez!"
Thomas Lane: "Irten eta beste aldera begiratu".
George Floyd: "Lagun, begietara begiratuko dizut. Mesedez, ez tiro egin!. "
Thomas Lane: "Ez dizut tiro egingo."
George Floyd: "Mesedez, lagun. Ama galdu berri dut".
Thomas Lane: "Irten eta beste aldera begiratu".
George Floyd: "Asko sentitzen dut".
Bideoaren beste zati batek erakusten du George Floyd eskuburdinak jarrita, esanez: "Ez naiz erresistitzen ari". Poliziak armak zorrotik aterata hurbildu zitzaizkion Floydi, bideo honek agerian utzi duenez, inolako mehatxurik tartean ez bazen ere.
Derek Chauvini bigarren eta hirugarren mailako hilketa leporatu diote. Operazioan parte hartu zuten Lane, Kueng eta Tou Thao ofizial ohiei bigarren graduko hilketa eta laguntza ematea egotzi dizkiete. Lau ofizialak Poliziatik kaleratu egin zituzten.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.