“Medikuak behar ditugu”
Altsasuko, Olazagutiko eta Ziordiko herritarrak artatzen dituzte Altsasuko osasun etxean. Gurutze Arregi Mujikak eta Jose Antonio Donlok, Sakanako Osasun Publikoaren Aldeko Plataformako kideek salatu dute Altsasuko osasun etxean langile “gutxi” dituztela eta egoera “prekarioa” dela: “Medikuak behar ditugu”.
aurre egingo dieten hedabide independenteak
9.000 biztanle baino gehiago artatzen ditu Altsasuko osasun etxeak. Horretako, batez beste bi edo hiru familia-mediku dituzte eta pediatra bakarra: “Azken boladan pediatra gabe egon gara”. Plataformako kideen arabera onartezina da, langileek ezin diotelako eskariari aurre egin. Hortaz, sei familia-mediku eskatu dituzte eta pediatra bat eta erdi: “Hori da biztanleen arabera dagokiguna”. Egoera horrek denei eragiten diela azpimarratu dute: “Langileei ezinegona eragiten die eta herritarrei amorrazioa”.
Langile gutxi daudenez, askotan osasun etxera deitu, eta langilerik ez dagoela esaten diete; horren ondorioz, itxaron zerrenda luzeak sortzen dira. Horrez gain, askok 50 kilometro egin behar izaten dituzte artatzeko: “Zerbait garrantzitsua gertatzen zaigunean ez dakigu nora jo, eta ospitaleko larrialdietara joaten gara”.
Langile faltaren aurrean, Nafarroako Gobernuaren erantzuna “urria” izan dela esan dute: “Esan digute ahal dutena egiten dutela, eta ez dutela langilerik topatzen”. Gaineratu dute Sakanako osasun arreta “txarrak” ibilbide luzea daukala, gutxinaka joan delako kalitatea okertzen: “Badakigu egoera ez zela okertzen hasi legealdi honetan, ezta aurrekoan ere, baina uste dugu UPNk zazpi urte izan dituela esku hartu eta egoera hobetzeko”.
Altsasuko, Olazagutiko eta Ziordiko osasun baliabide “urriez” gain, esan dute Sakanako gainerako herrietan osasun arretaren kalitatea ere jaitsi dela: “Unau, Dorrau, Lizarraga, Bakaiku, Urdiain, Arbizu eta Lakuntzako herritarrek ez dute pandemia aurreko osasun arreta iguala jasotzen; bat egiten dugu haien beharrekin ere”.
Langileak kexu agertu ziren ekainaren hasieran. Fernando Domínguez Nafarroako Osasun kontseilariak erantzun zien "euren eskuetan" zegoen guztia egiten ari zirela, baina baliabideak "mugatuak" zirela.
Berrehun lagun hurbildu dira Baztango Osasun Plataformak deituriko elkarretaratzera eta bizikleta martxara.
Nafarroako Farmazialarien Elkargo Ofizialak (COFNA) eta Nafarroako Gobernuko Lurralde Kohesiorako Sailak programa bat abiatu dute landa eremuko jendeak behar bezala hartzeko medikazioa.
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Astelehenean abiatu da sindikatuak deitutako greba eta apirilaren 6 arte luzatuko da. Lan-gainkarga salatu eta baldintzak hobetzeko eskatu dute, baita mediku egoiliarrei karrera profesionala aitortzea ere.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.