Nafarroako larrialdi zerbitzuen saturazioa salatu dute langileek, eta langile kopurua igotzea eskatu dute
Langileak kexu agertu ziren ekainaren hasieran. Fernando Domínguez Nafarroako Osasun kontseilariak erantzun zien "euren eskuetan" zegoen guztia egiten ari zirela, baina baliabideak "mugatuak" zirela.
aurre egingo dieten hedabide independenteak
Ekainaren 3an Nafarroako larrialdi zerbitzuetako 219 langilek idatzitako gutun bat argitaratu zuen Diario de Navarra egunkariak. Gutunean barkamena eskatu zieten egunero artatzen dituzten nafartarrei, "nahi ez bezala" artatzeagatik: "Gure lanean egunero aurre egin behar diogun errealitatea oso zaila da. Arreta eskaera geroz eta handiagoei erantzuteko langile nahikorik ez izateak gure lana mugatzen du, eta bete-betean eragiten dio eskaini dezakegun zerbitzuaren kalitateari".
Arreta eskaera geroz eta handiagoa eskaini behar izatea biztanleriaren zahartze prozesuari dagokiola adierazi zuten Nafarroako larrialdi zerbitzuetako langileek. Artatu beharreko jendea adinekoa denez, zaintza eta arreta handiagoa behar dute. NOU Nafarroako Ospitale Unibertsitarioaren zuzendaritzari zuzendu zitzaizkien, esateko azken urteetan larrialdi zerbitzuetako langileen kopurua igo bada ere ez dela nahikoa egungo beharrei erantzuteko. Herritarrei ospitaleetako larrialdi zerbitzuetara noiz joan behar diren hobe azaltzea ere eskatu zioten, ilarak edo itxaronaldi luzeak saihesteko.
Gutuna argitaratu ondoren, prentsaurreko bat egin zuen Fernando Domínguez Nafarroako Osasun kontseilariak. Besteak beste,adierazi zuen Nafarroako Gobernuko Osasun Saila "bere eskuetan dagoen guztia" egiten saiatuko dela larrialdi zerbitzuetako langile kopurua sendotzeko. Zerbitzu horietako langileak "intentsitate handiz" lan egiten ari zirela goraipatu zuen kontseilariak, baina gogorarazi zien baliabideak "mugatuak" direla. Horrez gain, herritarrei larrialdi zerbitzuak "arduraz" erabiltzea eskatu zien, maiatzeko datuetan oinarrituta: batez beste, Nafarroako hiru ospitaleetako larrialdietara joan ziren kasuen %40 osasun arretarako beste maila batzuetan arta zitezkeen, ez larrialdietan.
"238 lagun artatu ditugu zazpi ordutan"
Larrialdi zerbitzuen eguneroko jarduna barnetik bizitzeko eta kontatzeko, Diario de Navarra NOUren larrialdi zerbitzuetan izan da astelehen goizean. Egunkari horren arabera, itxarongela "beteta" egon da egun osoan zehar, eta zazpi ordutan –08:00retatik 15:00era bitarte– 238 lagun artatu dituzte medikuek. Langileen arabera, beren kopurua kontuan hartuta zerbitzuak egunean zehar 350 eta 380 lagun artean artatu ditzake. Nafarroako Osasun Sailaren arabera, igandeko 18:30etatik asteleheneko ordu berera arte 436 pertsona artatu dituzte larrialdi zerbitzuek.
Berrehun lagun hurbildu dira Baztango Osasun Plataformak deituriko elkarretaratzera eta bizikleta martxara.
Nafarroako Farmazialarien Elkargo Ofizialak (COFNA) eta Nafarroako Gobernuko Lurralde Kohesiorako Sailak programa bat abiatu dute landa eremuko jendeak behar bezala hartzeko medikazioa.
Irailetik mediku euskaldunik gabe daude Elizondoko (Nafarroa) herritarrak. Horrez gain, udan medikurik gabe geratzearen beldur da Baztango Osasun Plataforma. Ekainaren 4an, bizikleta martxa egingo dute herrian.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Astelehenean abiatu da sindikatuak deitutako greba eta apirilaren 6 arte luzatuko da. Lan-gainkarga salatu eta baldintzak hobetzeko eskatu dute, baita mediku egoiliarrei karrera profesionala aitortzea ere.
Ostegunean egoera hori ikertzeko eta zuzentzeko eskatu dio EH Bilduk Nafarroako Gobernuari legebiltzarreko osoko bilkuran. UPNk eta PPk bat egin dute eskaerarekin, eta Osasun Departamentuak urtebete du ikerketa gauzatzeko.
Amparo Viñualesek, Erronkariko alkateak, salatu du Erronkariko, Burgiko, Gardeko eta Bidankozeko kontsultategiek arreta txikitu beharko dutenez prebentzioan eragingo duela.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Kontratazio publikoa tresna baliotsua da erakunde publikoen berrikuntza-politikarako. Elikagai jasangarrien erosketa publikoak egungo ekoizpen- eta kontsumo-ereduak aldatzeko gaitasuna du. Ospitaleak ere funtsezkoak dira horretan. Renascence ikerketak osasun-zerbitzuetan... [+]
Nafarroako Osasun Plataformak salatu du osasun sistema publikoa gainbeheran dagoela eta pribatizatzen ari dela.
Jendez lepo egoten direnez larrialdiak, lau ordu inguruko itxaronaldiak daude “larrialdi gutxiko” egoeretan.