MásMóvilek Euskaltelen telebista negozioa saldu dio Agile Content enpresari

  • Operazioak 32 milioi euro utziko dizkio Euskaltelen jabe berriari. MásMóvilek plantilan ere aldaketak egin ditu, eta iragarri du lehendik zeuden hainbat kide mantenduko dituela.


2021eko abuztuaren 11n - 10:41
Azken eguneraketa: 12:45

MásMóvil telefonia konpainiak iragan asteartean erosi zuen Euskaltel, eskaintza publiko baten bidez akzioen %98 eskuratu ondoren. Euskal enpresaren kontrola lortu eta gutxira, bere telebista negozioa saldu du multinazionalak.

Agile Content enpresarekin egin du tratua. Euskaltelek eta bere filial R Cablek eta Telecablek kudeatzen duten zerbitzua transferitu dio, 32 milioi euroren truke. Guztira, milio erdi bezero biltzen dituen telebista negozioa da.

Agile Content enpresak iragarri du operazioa MásMóvilekin duen elkarlana zabaltzeko pausoa dela, eta “garai berri bat” hasiko duela negozioa Euskal Herrira ekarrita. Sortzez, Herrialde Katalanetako enpresa bada ere, Bilbora lekualdatu nahi du egoitza, Bizkaian “berrikuntza teknologikoko zentroa” ezartzeko asmoz. 

Aldaketak zuzendaritzan

Operazioaz gain, MásMóvilek denbora izan du Euskalteleko kontseilu taldean aldaketak egiteko. Multinazioanalak hainbat kide mantenduko ditu plantilan: Xabier Iturbe presidente ez-exekutiboa, Beatriz Mato Galiziako Xuntako kontseilari ohia eta Iñaki Alzaga Nortegaseko presidentea, besteak beste.

Josep Maria Echarri Inveready enpresako kontseilari delegatua eta bigarren presidenteordea kanpoko kontseilaria izango da, eta Jose German Lopez, kontseilari exekutiboa. MásMóvileko buru Meinrad Spenger MásMóvileko kontseilari ordezkaria izango da. 


Kanal honetatik interesatuko zaizu: Euskaltel
2022-01-24 | ARGIA
Zamudioko ZTE enpresan akordioa erdietsi eta greba bertan behera utzi dute

ELA sindikatuak hitzarmena defendatzeko deitutako hamar eguneko greba hasi bezperan, akordioa lortu dute Zamudioko ZTEko zuzendaritzarekin. Hitzarmenak soldata-igoerak, lanaldi-murrizketa, aplikatu beharreko gutxieneko soldatak eta telelanaren oinarriak jasotzen ditu. Gauzak... [+]


Agur Euskaltel: Akzioen %98 eskuratu ditu MásMóvilek eta 27 milioi euro banatu dituzte 52 pertsonaren artean

Euskaltelek jabe berria dauka: MásMóvil. "Gutxienez bost urtez" mantenduko du egoitza soziala eta fiskala Euskal Herrian. EAJk José María Aznar Espainiako presidente egitea ahalbidetzearen truke sortu zen enpresa duela 27 urte, %100 diru... [+]


Funts putreei aurre egingo dien banku publiko bat sortzea baztertu dute EAJk, PSEk eta PPk Legebiltzarrean

Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea... [+]


2021-04-13 | Juan Mari Arregi
Euskaltel: espekulatzeko pizgarriak

MasMovil taldearen bidez Euskaltelen lanpostuak suntsitu eta enpresa deslokalizatuko dute. Une hori iristen denean, zeren eta iritsiko da, orduan ere jasoko dute milioi askoko saria bere zuzendariek. Kapitalaren legea da.


2021-04-12 | ARGIA
Euskaltelen salmentan “hazteko aukera bat” ikusten du Urkulluk

Enpresak sustraiak Euskal Herrian mantentzeko bermeak daudela ziurtatu du EAEko Lehendakariak. Operazioak piztu duen kezkari garrantzia kendu dio.


Eguneraketa berriak daude