Euskaltelen salmentan "hazteko aukera bat" ikusten du Urkulluk

  • Enpresak sustraiak Euskal Herrian mantentzeko bermeak daudela ziurtatu du EAEko Lehendakariak. Operazioak piztu duen kezkari garrantzia kendu dio.


2021eko apirilaren 12an - 17:09
Irudia: eitb.eus.

Iñigo Urkulluri elkarrizketa egin diote Radio Euskadin astelehen goizean, eta besteak beste MasMovil enpresak Euskaltel erosi izanaren inguruan aritu da. Operazioak kritika ugari jaso ditu esparru politiko, enpresarial zein sozialean –diru publikoa esparru pribatura bideratzea dela salatu dute; edo industria estrategiko bat galtzea dakarrela–. Urkulluk onartu du kezkak egon badaudela, baina garrantzia kendu die, aurreko urteetako operazioetan ere “ zoritxar-iragarleak” azaldu zirela esanez.

Batetik, euskaltelen salmenta “merkatuen” garapenaren ondorio dela adierazi du EAEko Lehendakariak: "Merkatu global batean gaude. Orain 25 urte jaio zen Euskaltel, beste testuinguru batean, tokiko merkatu batean eta lehiakide gutxirekin. Euskaltelek bere eboluzioa izan du, akziodunek ere bai, eta ezin da ahaztu aldatuz joan diren arautegietara egokitu behar izan dutela". Bestetik, Euskaltelen iraupena eta EAEn sustraiak mantentzea bermatuta dagoela ziurtatu du. Euskaltel eta MasMovilen arteko salmenta akordioak jasotzen du gutxienez bost urtez mantenduko dela egoitza soziala EAEn eta Euskaltel marka bera, baina Urkulluren esanetan, “sustraitze bermeak lehen bost urte horietatik harago" doaz.


Kanal honetatik interesatuko zaizu: Euskaltel
2022-01-24 | ARGIA
Zamudioko ZTE enpresan akordioa erdietsi eta greba bertan behera utzi dute

ELA sindikatuak hitzarmena defendatzeko deitutako hamar eguneko greba hasi bezperan, akordioa lortu dute Zamudioko ZTEko zuzendaritzarekin. Hitzarmenak soldata-igoerak, lanaldi-murrizketa, aplikatu beharreko gutxieneko soldatak eta telelanaren oinarriak jasotzen ditu. Gauzak... [+]


MásMóvilek Euskaltelen telebista negozioa saldu dio Agile Content enpresari

Operazioak 32 milioi euro utziko dizkio Euskaltelen jabe berriari. MásMóvilek plantilan ere aldaketak egin ditu, eta iragarri du lehendik zeuden hainbat kide mantenduko dituela.


Agur Euskaltel: Akzioen %98 eskuratu ditu MásMóvilek eta 27 milioi euro banatu dituzte 52 pertsonaren artean

Euskaltelek jabe berria dauka: MásMóvil. "Gutxienez bost urtez" mantenduko du egoitza soziala eta fiskala Euskal Herrian. EAJk José María Aznar Espainiako presidente egitea ahalbidetzearen truke sortu zen enpresa duela 27 urte, %100 diru... [+]


Funts putreei aurre egingo dien banku publiko bat sortzea baztertu dute EAJk, PSEk eta PPk Legebiltzarrean

Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea... [+]


2021-04-18 | Juan Mari Arregi
Euskaltel: espekulatzeko pizgarriak

MasMovil taldearen bidez Euskaltelen lanpostuak suntsitu eta enpresa deslokalizatuko dute. Une hori iristen denean, zeren eta iritsiko da, orduan ere jasoko dute milioi askoko saria bere zuzendariek. Kapitalaren legea da.


Eguneraketa berriak daude