Euskaltel funts britainiar baten esku: zabalkunde planak eta lanpostuak suntsitzeko arriskua

  • Zegona funts britainiarra bihurtu da Euskaltelen akziodun nagusia. Telekomunikazio enpresaren %20,94 dago bere esku eta Kutxabankek baino pisu handiagoa hartu du –%19,8ko parte hartzea dauka banku fundazioak Euskaltelen–.


2019ko apirilaren 10an - 09:48
Euskaltelen akziodunen batzar bat.

Apirilaren 3an lortu zuen %20ko jabetza gainditzea eta portzentaje horretatik gora dagoenez, Balore Merkatuen Espainiako Batzordeari komunikatu behar izan dio zenbateko parte hartzea duen Euskaltelen.

Enpresaren administrazio kontseiluan presentzia handiagoa hartu nahi du Zegonak erosketaren ondoren. Euskaltelen kudeaketan ere aldaketak eragin nahi ditu eta zenbait hedabidek argitaratu dutenez, Jazzteleko konseilari delegatu izandako Jose Miguel Garcia sartu liteke enpresaren kudeaketa taldean.

Zegonaren xedea Euskaltel Espainiako Estatuan gehiago hedatzea da, orain arteko zabalkunde-estrategia baino plan erasokorrago batekin –Nafarroan, Katalunian, Leonen, Kantabrian eta Errioxan sartzea zen Euskaltelen egungo asmoa–. Espainiaren konkista horretarako, Zegonak Virgin talde britainiarrarekin akordio bat lortu du marka hori erabiltzeko, baita Orangekin ere, honek Espainiako Estatuan daukan sarea erabiltzeko.

Zabalkunde horrekin batera, murrizketak ere etor litezke lehenbiziko informazioen arabera: kostuak murriztu nahi ditu Zegonak eta horretarako gaur egun Euskaltel taldea osatzen duten hiru enpresen lanak egoitza bakarrean bildu nahi ditu. Gaur egun Euskaltelen ari diren langile ugariren kaleratzea eragingo luke horrek.


Kanal honetatik interesatuko zaizu: Euskaltel
2022-01-24 | ARGIA
Zamudioko ZTE enpresan akordioa erdietsi eta greba bertan behera utzi dute

ELA sindikatuak hitzarmena defendatzeko deitutako hamar eguneko greba hasi bezperan, akordioa lortu dute Zamudioko ZTEko zuzendaritzarekin. Hitzarmenak soldata-igoerak, lanaldi-murrizketa, aplikatu beharreko gutxieneko soldatak eta telelanaren oinarriak jasotzen ditu. Gauzak... [+]


MásMóvilek Euskaltelen telebista negozioa saldu dio Agile Content enpresari

Operazioak 32 milioi euro utziko dizkio Euskaltelen jabe berriari. MásMóvilek plantilan ere aldaketak egin ditu, eta iragarri du lehendik zeuden hainbat kide mantenduko dituela.


Agur Euskaltel: Akzioen %98 eskuratu ditu MásMóvilek eta 27 milioi euro banatu dituzte 52 pertsonaren artean

Euskaltelek jabe berria dauka: MásMóvil. "Gutxienez bost urtez" mantenduko du egoitza soziala eta fiskala Euskal Herrian. EAJk José María Aznar Espainiako presidente egitea ahalbidetzearen truke sortu zen enpresa duela 27 urte, %100 diru... [+]


Funts putreei aurre egingo dien banku publiko bat sortzea baztertu dute EAJk, PSEk eta PPk Legebiltzarrean

Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea... [+]


2021-04-18 | Juan Mari Arregi
Euskaltel: espekulatzeko pizgarriak

MasMovil taldearen bidez Euskaltelen lanpostuak suntsitu eta enpresa deslokalizatuko dute. Une hori iristen denean, zeren eta iritsiko da, orduan ere jasoko dute milioi askoko saria bere zuzendariek. Kapitalaren legea da.


Eguneraketa berriak daude