Euskaltelen zuntz optiko azpiegitura saltzearen alde agertu da Zegona, operadorearen akziodun nagusia

  • Zorpetzea kitatzea asmo, zuntz sarea saltzearen alde agertu da Euskaltelen akzio gehien dauzkan funtsa.


2019ko urriaren 08an - 10:25
Euskaltelen egoitza, Zamudion (Argazkia: Zarateman)

Telekomunikazio eta teknologien sektorean espezializatutako Ingalaterrako funtsa da Zegona Communication. 2017az geroztik Euskaltelen akzioduna da, egun operadorearen akzio gehien dituena, %21,06.

Euskalteleko kontseiluaren %23 kontrolatzen du funts britainiarrak, eta hargatik Euskaltelen erabakietan eragin handia dauka. Aurki proposamena egin du: Euskaltelen kable bidezko sarea saltzea. Zegonaren sortzaile eta ordezko kontseilari Eamoon O`Hare-k mahai-gaineratu zuen aukera, Londresen merkatu analistekin egindako bilkura batean. Proposamenarekin, Euskaltelek dituen zorrak kitatu, errekurtsoak sortu eta hedatze prozesua finantzatuko litzatekeela argudiatu du funtsak.

Sarearen zati bat, Eusko Jaurlaritzari erosia

3,5 milioiren truke, Eusko Jaurlaritzak enpresa eta bulegoentzat jarritako sarea erabiltzen zuen Euskaltelek orain urte batzuk atzera. 2012an, baina, egoera larrian egotera igaro zen kontu pare bat tarteko: bankuei eragiten zien araudi berriak Kutxabank derrigortu zuen Euskalteleko akzio kopurua murriztera; eta Orangeri 22 milioi euro ordaindu beharrean zen, multinazional frantsesaren kontrako epaiketa galdu ostean.

Berriak gogora ekarri duenez, “egoera horretan, eta sare propiorik gabe, zail zen Euskaltelentzat inbertsore berririk topatzea”. Hala bada, orduko hartan lehendakari zen Patxi Lópezek Eusko Jaurlaritzaren sarea erosteko aukera luzatu zion operadoreari, 68 milioi euroko prezioan. Salerosketa berezia izan zela azpimarratu du egunkariak, lehiaketa publikorik egin ez eta Legebiltzarraren onespena baliatu baitzen salerosketarekin aurrera egiteko.


Kanal honetatik interesatuko zaizu: Euskaltel
2022-01-24 | ARGIA
Zamudioko ZTE enpresan akordioa erdietsi eta greba bertan behera utzi dute

ELA sindikatuak hitzarmena defendatzeko deitutako hamar eguneko greba hasi bezperan, akordioa lortu dute Zamudioko ZTEko zuzendaritzarekin. Hitzarmenak soldata-igoerak, lanaldi-murrizketa, aplikatu beharreko gutxieneko soldatak eta telelanaren oinarriak jasotzen ditu. Gauzak... [+]


MásMóvilek Euskaltelen telebista negozioa saldu dio Agile Content enpresari

Operazioak 32 milioi euro utziko dizkio Euskaltelen jabe berriari. MásMóvilek plantilan ere aldaketak egin ditu, eta iragarri du lehendik zeuden hainbat kide mantenduko dituela.


Agur Euskaltel: Akzioen %98 eskuratu ditu MásMóvilek eta 27 milioi euro banatu dituzte 52 pertsonaren artean

Euskaltelek jabe berria dauka: MásMóvil. "Gutxienez bost urtez" mantenduko du egoitza soziala eta fiskala Euskal Herrian. EAJk José María Aznar Espainiako presidente egitea ahalbidetzearen truke sortu zen enpresa duela 27 urte, %100 diru... [+]


Funts putreei aurre egingo dien banku publiko bat sortzea baztertu dute EAJk, PSEk eta PPk Legebiltzarrean

Elkarrekin-Podemosek eta EH Bilduk aurkeztuta, enpresa estrategikoei lagunduko dien banku publiko baten sorrerari buruzko mozioa eztabaidatu dute Eusko Legebiltzarrean. Euren esanetan garrantzitsua da enpresa horiek EAEn errotuta eta funts putreen eraginpetik kanpo egotea... [+]


2021-04-18 | Juan Mari Arregi
Euskaltel: espekulatzeko pizgarriak

MasMovil taldearen bidez Euskaltelen lanpostuak suntsitu eta enpresa deslokalizatuko dute. Une hori iristen denean, zeren eta iritsiko da, orduan ere jasoko dute milioi askoko saria bere zuzendariek. Kapitalaren legea da.


Eguneraketa berriak daude